Pulsuz Wi-Fi istifadəçilərin sayı 1 milyonu ötdü

29-09-2017 / 16:58

Nəqliyyat, Rabitə və Yüksək Texnologiyalar Nazirliyinin təşəbbüsü ilə Bakı Telefon Rabitəsi MMC (Baktelekom) tərəfindən həyata keçirilən “İctimai İnternet” layihəsi çərçivəsində pulsuz Wi-Fi xidmətindən istifadə edənlərin sayı 1 milyonu ötdü.

Xeberler.az-ın məlumatına görə, ötən həftədən Baktelekom tərəfindən elan edilən “Milyonuncu ol, noutbuku sən apar” kampaniyasının qalibi də müəyyənləşib. Noutbukun sahibi Orxan Cabarov olub.

Qeyd edək ki, 1 ay öncə Baktelekom tərəfindən istifadəçi artımını stimullaşdırmaq məqsədi ilə pulsuz Wi-Fi xidmətinin 500.000-ci istifadəçisi mobil telefonla mükafatlandırılmışdı. 

Məlumat üçün bildirək ki, bu həftə pulsuz Wi-Fi zonalarının sırasına  daha biri əlavə edildi. Artıq Port Baku Residence və Port Baku Mall arasında yerləşən parkı (Fashion Avenue) ziyarət edənlər də ictimai şəbəkədən faydalana bilirlər.

Yaxın zamanda Dədə Qorqud və Nərimanov parkı da pulsuz Wi-Fi xidmətinin əhatə dairəsinə daxil ediləcək.  

Dövlət Bayrağı Meydanı da daxil olmaqla, Dənizkənarı Milli Parkı, İçərişəhər Dövlət Tarix-Memarlıq Qoruğu ərazisini, Heydər Əliyev Mərkəzinin parkını, Sahil, Sabir, Xaqani, Axundov, Hüseyn Cavid, Səməd Vurğun, Muğan bağlarını, Qış və Zabitlər parklarını ziyarət edənlər pulsuz Wi-Fi xidmətindən yararlana bilərlər.

Məltəm Talıbzadə

 


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.