AZNET

Qadın proqramçıların yazdığı kodların təsdiqlənmə faizinin kişilərin yazdığı kodlardan daha yüksək olduğu açıqlanıb.

Xeberler.az xarici mətbuata istinadən məlumat verir ki,  bu araşdırma  dünyanın ən məşhur, açıq qaynaqlı kod paylaşma şəbəkəsi GitHub-dakı  məlumatlardan götürülərək hazırlanıb.

ABŞ tədqiqatçıları açıq mənbə proqram paylaşma xidməti Github-un təxminən 1,4 milyon istifadəçisini təhlil edib.

GitHub üzərindən istifadəçilərin qadın və kişi olduğunu müəyyən etmək mümkün olmadığı üçün araşdırmaçılar  istifaçilərin profillərində olan elektron poçt ünvanı ilə onların Google Plus hesabını tapıb. Bu yolla 1,4 milyon istifadəçinin cinsiyyəti müəyyən edilib.

Daha sonra bu istifadəçilərin GitHub üzərində layihələrə etdikləri "pull request" , yəni kod dəyişikliyi təklifləri və bu təkliflərdən alınan qəbul faziləri analiz edilib.

Analizin nəticəsində qadın proqramçıların kişilərdən GitHub üzərindən daha yüksək kod dəyişikliyi təsdiqi aldıqları məlum olub.

Belə ki, qadın proqramçılarn etdiyi dəyişikliklərin yüzdə 78,6 faizi qəbul edilib. Kişilərdə isə bu rəqəm daha az-74,6 fazi olub.

Caly Poly və  North Carolina univeristetləri tərəfindən aparılan  və yayımlanan araşdırmanın hələlik başqa universitetlər tərəfindən tənqid edilməsi kimi hallara rast gəlinmir.

Məqaləni buradan daha ətraflı oxuya bilərsiniz.

Məltəm Talıbzadə