Qlobal İT bazarının həcmi 12,5 faiz artacaq

30-08-2016 / 17:43

International Data Corporation (IDC) analitiklərinin proqnozuna əsasən, yaxın 4 ildə qlobal informasiya texnologiyaları bazarının həcmi 12.5% yüksələcək.

Xeberler.az RYTN-in elektron xəbər xidmətinə istinadən məlumat verir ki, analitik şirkətin gözləntilərinə əsasən, 2016-cı ildə İT məhsul və xidmətlərinin satış həcmi 2.4 trilyon dollara yaxınlaşacaq və 2020-ci ildə bu göstərici 2.7 trilyon dolları ötəcək. Beləliklə, ekspertlər sözügedən bazarın orta illik artım sürətini 3.3% həcmində qiymətləndirir.

Maliyyə xidmətləri və istehsal sektoru kimi böyük sahələrdə İT xərclərinin sürətlə artımı proqnozlaşdırılır.

Mütəxəssislərin qiymətləndirməsinə görə, telekommunikasiya sahəsində xərclərin həcmi ötən illərlə müqayisədə tədricən artacaq. Yaxın 4 ildə İT həllərinin satış həcminin 33%-i bank və telekommunikasiya sektorunun payına düşəcək.

2015-ci ildə qlobal İT xərclərinin 25%-i istehlak alış-verişinin payına düşüb. Ancaq istifadəçilər kompüter, planşet və mobil telefon alışına daha az pul xərcləyirlər ki, bu da informasiya texnologiyaları sahəsinə təsir edəcək. Qlobal planşet bazarının sonrakı artımı daha çox korporativ sektordan asılı olacaq.

Səhiyyə sahəsində  İT xərcləri sürətlə artacaq. Belə ki, 2015- 2020-ci illərdə bu sahədə ildə orta hesabla 5.7% artım gözlənilir.

Xeberler.az


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.