2017-ci ildə qlobal İT bazarında artım qeydə alınacaq

20-10-2016 / 13:48

Gartner analitik şirkətinin proqnozuna görə, gələn il qlobal İT bazarında artım qeydə alınacaq.

Əgər Böyük Britaniya Avropa Birliyində qalsaydı, cari ildə də artım müşahidə olunardı.

Xeberler.az RYTN-in elektron xəbər xidmətinə istinadən məlumat verir ki, analitiklərin gözləntilərinə əsasən, 2017-ci ildə informasiya texnologiyalarına (İT) sərf ediləcək qlobal xərclərin həcmi 3.5 trilyon dollara yaxınlaşacaq ki, bu da cari illə müqayisədə 2.9% daha yüksəkdir.

2016-cı ildə İT sahəsinə sərf ediləcək xərclərin həcmi 3.4 trilyon dollar təşkil edəcək ki, bu da 2015-ci illə müqayisədə 0.3% azdır.

Tədqiqatçılar proqram təminatı bazarını qlobal İT sahəsinin ən sürətli inkişaf edən seqmenti adlandırıblar. 2016-cı ildə sözügedən seqmentdə 6% (333 milyard dollaradək), 2017-ci ildə isə 7% (357 milyard dollaradək) artım qeydə alınacaq. Həmçinin analitiklər İT xidmətlər bazarında 2016-2017-ci illərdə müvafiq olaraq 3.9% və 4.8%-lik artım proqnozlaşdırırlar.

Telekommunikasiya xidmətləri əvvəlki kimi İT bazarının ən böyük seqmentidir. Gartner-in analitikləri 2016-cı ildə bu sahədə təxminən 1.4 trilyon dollar xərclənəcəyini proqnozlaşdırırlar ki, bu da 2015-ci illə müqayisədə 1.1% azdır. 2017-ci ildə bu seqmentdə 1.9%-lik artım qeydə alınacaq.

 

Xeberler.az


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.