Rəqəmsal bacarıqlar və məşğulluq üzrə təlim keçiriləcək

24-09-2020 / 17:00

“EU4Digital” proqramı oktyabrın 6-da Azərbaycan üçün rəqəmsal bacarıqlar və məşğulluq üzrə milli koalisiyalara dair virtual təlim təşkil edəcək.

Xeberler.az bildirir ki, təlimin məqsədi Azərbaycanda fəaliyyət göstərən yerli ekspertləri milli koalisiyaların idarə olunması prinsipləri ilə tanış etmək, ölkədə rəqəmsal bacarıqlar və məşğulluq üzrə milli koalisiya yaradıldıqdan sonra növbəti mərhələlər ilə bağlı tövsiyələri müzakirə etməkdir.

Təlim aşağıdakı məsələləri əhatə edəcək:

- rəqəmsal bacarıqlar üzrə milli strategiya və layihələrin müəyyən edilməsində milli koalisiyaların əhəmiyyəti;

- milli koalisiyalar üzrə fəaliyyət planları, təbliğat və idarəetmə ilə bağlı fəaliyyətlər;

- Avropa İttifaqının (Aİ) milli koalisiyaları ilə əməkdaşlıq, mövcud qabaqcıl təcrübələr, alətlər və resurslar.

Sözügedən təlim “EU4Digital” proqramının rəqəmsal bacarıqlar tematik sahəsi çərçivəsində keçiriləcək. Buraya rəqəmsal bacarıqlar mövzusunda Aİ və Şərq tərəfdaşlıq ölkələri arasında qabaqcıl təcrübə mübadiləsini dəstəkləmək üçün bir sıra təlimlər, konfranslar və səfərlər daxildir.

Xatırladaq ki, rəqəmsal bacarıqlar şəbəkəsi tərəfindən cari il aprelin 29-da keçirilən seminar zamanı təlimlər ilə bağlı prioritetlər müəyyən olunub.

Qeyd edək ki, “EU4Digital” təşəbbüsünün rəqəmsal bacarıqlar şəbəkəsi Şərq tərəfdaşlıq ölkələri və Aİ ilə qabaqcıl təcrübə mübadiləsi üçün platforma rolunu oynayaraq sinerjilərin və birgə uyğunlaşdırma layihələrinin hazırlanması ilə bağlı ideyaları təşviq edir, eləcə də rəqəmsal bacarıqların inkişafı ilə bağlı ekspertlərin ətraflı qiymətləndirmələrini təmin edir. “EU4Digital” proqramı təlimlərin, konfransların, qanunvericilər və təlim təminatçılarının Aİ-yə üzv ölkələrə tanışlıq xarakteri daşıyan səfərlərinin təşkili və milli koalisiyaların yaradılmasına dəstək kimi bir sıra fəaliyyət növləri vasitəsilə Şərq Tərəfdaşlığı ölkələrinə dəstək verir.


ŞƏRHLƏR






sorğu
İT mütəxəssislər iş yerlərini hansı meyarlar əsasında seçir ?
  • Şirkətin yüksək statusuna görə
  • İşin, layihənin xarakterinə görə
  • Əmək müqaviləsinin olmasına görə
  • Yüksək əmək haqqına, mükafatlara və digər güzəştlərə görə
  • Gələcək karyerası üçün əhəmiyyət kəsb etdiyinə görə
  • Maraqlı, işgüzar kollektivə görə