Rusiya internetin BMT səviyyəsində tənzimlənməsi təşəbbüsü ilə çıxış edir

11-02-2009 / 12:03

Rusiya internet sahəsində fəaliyyəti tənzimləyəcək BMT səviyyəsində vahid beynəlxalq sənədin qəbul olunmasına çağırır. Bu cür bəyanatla RF Dövlət Dumasının Təhlükəsizlik Komitəsinin sədr müavini Mixail Qrişakov çıxış edib.

Hazırda internet məkanı müxtəlif növ dələduzluq, əxlaqsızlıq, o cümlədən uşaq pornoqrafik resursların yayılması üçün istifadə olunur. Bundan əlavə Şəbəkədə dövlət sirli və virus proqramlarını yayan məlumatlar yerləşdirilir, Utro yazır.
“Beynəlxalq səviyyədə internetdə cinayətkarlığın nə olduğunu əks etdirən bir anlayış mövcud deyil. Bununla bağlı BMT səviyyəsində vahid sənəd qəbul etmək lazımdır. Rusiya artıq bu cür təşəbbüs irəli sürüb və müvafiq tənzimləyici sənədin qəbul olunmasına çağırır”, - deyə M.Qrişakov qeyd edib.

Qeyd edək ki, eyni zamanda Avropa İttifaqı Facebook, MySpace və Google daxil olmaqla sosial şəbəkələrə xidmət göstərən 17 provayder-şirkəti ilə uşaqların, onların yaş həddinə uyğun olmayan kontentdən qorunması istiqamətində saziş imzalayıb, Qazeta.ru xəbər verir.

Sazişə əsasən, provayderlər “pozulmalar haqqında xəbər ver” funksiyasını yerləşdirməklə “təhlükəni azaltmalıdırlar”. Həmçinin həmin sənəddə həddi-buluğa çatmamış istifadəçilərin məlumatlar səhifələrinin və əlaqələr siyahılarının yüksək təhlükəsizliyin təmin edilməsi nəzərdə tutulur.
Avropa İttifaqının nümayəndəsinin sözlərinə görə, hazırda Aİ ölkələrində 42 milyona yaxın insan sosial şəbəkələrin istifadəçisidir. /www.mincom.gov.az/


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.