AZNET

Qusar rayonu ərazisindəki Şahdağ Turizm Mərkəzi qışda və elə  bütün sezonlarda həm yerli, həm də xarici vətəndaşların diqqətini  çəkir.

 Xüsusən qış aylarında qarlı hava şəraitində maraqlı anlar yaşamaq üçün  yüzlərlə  turist Şahdağ yay-qış turizm kompleksinə axın edir.

Xeberler.az olaraq Şahdağ kompleksinə internet infrastrukturunun necə qurulması ilə maraqlandıq.

Görəsən bu qədər tursit qəbul edən Şahdağ ziyarətçilərin internet təlabatını necə ödəyir?

Şahdağ Turizm Mərkəzindən Xeberler.az-a verilən məlumata görə, Azərtelekom internet provayderi tərəfindən yüksək sürətli internet optik kabel vasitəsi ilə kompleksə daxil olur və Wi-Fi və kabel  şəbəkələri vasitəsi ilə kompleksin ərazisinə paylanır.

Şahdağda kompleksinə toplam 100 mbit/s sürətli internet daxil olur.

Bundan əlavə, sorğumuza cavab olaraq bildirilib ki, ümumi istifadə üçün kompüterlər də var. Qonaqlar onlardan da sərbəst istifadə edə bilər.

Hava şəraiti ilə bağlı olaraq internet kəsintisi  və ya zəifləməsi kimi problemin olmasına gəlincə isə məlumat veriblər ki, internet xidməti hava şəraitinin təsirinə məruz qalmayan optik kabellər vasitəsi ilə də təmin edilir.

Turizm Mərkəzi interent xidməti yalnız Azərtelekom-dan internet alır, yəni alternativ şirkətlə əməkdaşlıq etmirlər.

Həmçinin kompleksdə İPTV xidmətləri də  təşkil olunub. Hazırda peyk televiziyası və Azərtelekom internet provayderinin təmin etdiyi İP televiziyası yayımlanır.

Mərkəzdən verilən məlumata görə, kompleksin veb səhifəsindən otel nömrələrinin bron olunması, xizək avadanlığının bron olunması, veb kameralar, kompleks haqqında ətraflı məlumat kimi onlayn xidmətlərdən istifadə etmək mümkündür.

Məltəm Talıbzadə