RƏQƏMSAL DÜNYA

Məlumdur ki, hazırda  Azərbaycanda qarlı hava şəraiti davam edir.

Xeberler.az olaraq qar daha çox yağan bəzi bölgələrdə rabitə xidmətləri ilə maraqlandıq ki, hazırda vəziyyət necədir? Əhali rabitə xidmətlərindən, internetdən problemsiz istifadə edə bilirmi?

Göygöl rayon Telekommunikasiya Qovşağından Xeberler.az-a bildirilib ki, hazırda rayonda  və ucqar kəndlərində qar olsa da, rabitə xətlərində, internetin verilməsində heç bir problem yaranmayıb.

Qeyd edilib ki, rayonda işıq problemi olmadığı üçün internetin kəsilməsi kimi hallarla da qarşılaşmırlar.

Telekommunikasiya Qovşağından verilən məlumata görə, hazırda onlar qarlı hava şərati ilə bağı alternativ avadanlıqlardan istifadə edirlər.

Qarlı hava şəraiti Gəncə də rabitə xətlərinin fəaliyyətində heç bir problem yaratmayıb.

Bu barədə Xeberler.az-a Gəncə Telekommunikasiya İdarəsindən məlumat verilib.

Qeyd edilib ki, hazırda əhali rabitə xidmətlərindən problemsiz istifadə edə bilir.

Lənkəran TKQ-dan verilən məlumata görə, hazırda rayonda  çox qar var və hələ də qar yağmağa davam edir.

Qeyd edilib ki, hələlik rabitə xətlərində, internetin verilməsində hər hansı problem yaranmayıb.

Məlumata görə, əgər işıqlar normal verilərsə, rabitə dayanıqlı olarsa, belə  problemlərlə qarşılaşmırlar.

TKQ-dan bildirilib ki, xətlər optik olmadığı üçün bəzən kabellərin üzərində qar çox qalanda müəyyən problemlə qarşılaşırlar.

Məltəm Talıbzadə