İNNOVASİYA VƏ STARTAP

Artıq Günlər üçün bütün hazırlıq işləri yekunlaşıb.

Bu barədə Xeberler.az-a “Startap Azərbaycan”nın Təşkilat Komitəsindən məlumat verilib.

Qeyd edək ki, Günlər 3 gün davam edəcək.

Bu gün tədbirin proqramının son variantı da təsdiqlənib. Buradan tanış ola bilərsiniz.

Təşkilat Komitəsindən verilən  məlumata  görə, Günlər çərçivəsində keçiriləcək konfransın panelçiləri də  artıq təsdiqlənib. Burada.

Qeyd edək ki, Startap Günlərinin sabah   saat 14:00-da  Yüksək Texnologiyalar Parkında təşkil olunacaq rəsmi açılış mərasimindən dərhal sonra   “Yeni startapların yaranmasında biznes inkubatorların və universitetlərin rolu ” mövzusunda konfrans  öz işinə başlayacaq.

Bundan sonra ardıcıllıqla tədbirlər təşkil olunacaq. Daha ətraflı burada.

Onu da nəzərinizə çatdıraq ki, Təşkilat Komitəsi tərəfindən artıq Günlər üçün qeydiyyatdan keçmiş şəxsələrə tədbirdə iştirak üçün dəvətlər göndərilib.

Startap Günləri 2015 –in qalib layihələrinə və qalib layihələrin hər bir iştirakçısına sponsorların  qiymətli hədiyyələri və diplomlar təqdim olunacaq. Həmçinin tədbirlərin bütün mərhələlərində aktiv iştirak edənlərə sertifikat veriləcək.

Startap Günlərinə Rabitə və Yüksək Texnologiyaları Nazirliyi, İnformasiya Texnologiyalarının İnkişafı Dövlət Fondu, Yüksək Texnologiyalar Parkı, Cybernet, Xəzər Vençur (Khazar Ventures), SİNAM, Bakcell və  ATL Group şirkəti dəstək verir.

Startap  Günlərini müsabiqənin rəsmi saytından və bu məqsədlə yaradılan Facebook-da "event"dən izləyə bilərsiniz.

Məltəm Talıbzadə