Startapçılarımız Bakıda böyük tədbir keçirəcək

21-08-2017 / 14:54

Tanınmış startapçılarımız regionda ilk dəfə olaraq Bakıda sentyabrın 30-da Dreamland-də “Influencer Day Baku” tədbiri keçirəcək.

Xeberler.az-ın məlumatına görə, tədbirdə “Sosial Eranın marketinq texnologiyaları”, “ Data marketing”, “MarTech” investisiyaları müzakirə olunacaq və qonaqlara Mərkəzi Avrasiya regionunda fəaliyyət göstərən "Keepface Influencer Marketing" platforması təqdim olunacaq.

Tədbirdə 150 nəfər xüsusi dəvət olunmuş top influencerlər, brend sahibləri, marketinq və PR mütəxəssiləri, media nümayəndələri, investorlar və seçilmiş ictimai xadimlər iştirak edəcək. Əlavə olaraq, tədbirə ABŞ-dan spiker cəlb olunması planlaşdırılır.

Qeyd edək ki, Keepface platforması sektorda yaxından tanıdığımız Vaqif Abbasov və Elşad Yusifli tərəfindən yaradılıb.

Bu yaxınlarda şirkət Dubayda fəaliyyətə başladı. Belə ki, şirkət bundan sonra Dubay şirkəti olaraq xidmət göstərəcək.

Influencer Marketing nədir?

Məlumdur ki, hazırda sosial media həyatımızın ayrılmaz bir parçasına çevrilib. Azərbaycan əhalisinin üçdəbiri aktiv olaraq sosial media istifadəçisidir. Sosial medianın əsas elementi kontentdir və hər gün istifadəçilər yüzlərlə yeni kontentlə qarşılaşırlar. Məhz maraqlı və istifadəçiyə faydalı kontent izlənir, paylaşılır və bu kontenti yaradanlar yeni izləyici kütləsi əldə edirlər. Bloqerlər, məşhurlar, jurnalistlər, müxtəlif sahələr üzrə ekspertlər, sosial aktiv insanlar, ictimai xadimlər və digər auditoriya sahiblərini influencer adlandırmaq olar. Influencer-lər sosial mediada yaranan fikirlərə əsas istiqamət verənlər hesab olunur və buna görə də brendlər öz kommunikasiya layihələrində inlfuencer-ləri cəlb etməklə ciddi uğurlar qazanırlar.

Keepface dədünyada trend marketinq strategiyası sayılan "Influencer Marketing"i avtomatlaşdıran platformadır. Bu platformada influencerlər və brendlər bir-birini taparaq sosial media kampaniyalarını həyata keçirirlər. Keepface istifadəçiləri brendlər platforma üzərindən influencer-lərin göstəricilərini analiz edə, onlarla kommunikasiya qura və sifariş verə bilirlər.

Hazırda Keepface regionda 30-dan çox yerli və beynəlxalq şirkət və agentliklərə xidmət göstərir.

Tədbirdə iştrak yalnız xüsusi dəvətnamə ilə mümkün olacaq.

Məltəm Talıbzadə

 


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.