İNNOVASİYA VƏ STARTAP

Brend şirkətlərlə  nüfuzlu sosial media istifadəçiləri və bloqerlərlə birgə sosial media layihələri hazırlamaq məqsədi ilə  Azərbaycanda Keepface platforması yaradılıb.

Belə ki, Keepface adlı layihə sevdiyiniz brendlər ilə işləməyə və onların sosial media kampaniyalarının bir parçası olmağa imkan yaradır.

Layihə rəhbəri  Vaqif Abbasov  Xeberler.az-a bildirib ki, son illər dünyada trend olan "Influencer Marketing" platformaları sürətlə artmaqdadır. Hətta buna "Reklamın yeni dövrü" deyə adlandıranlar da var.

Onun sözlərinə görə, reklam posterlərini brendlər paylaşdıqda ona maraq çox az olur və məhəl qoyulmur. Ona görə hər kəs məhsul və xidmətin "ağızdan-ağıza" yayılmağını istəyir. Influencer Marketinq platformaları isə məzmunun viral  yayılması üçün bir başlanğıc ola bilir.

Buna görə də onlar  bu trendə uyğun Azərbaycan və qonşu ölkələri hədəfləyən Keepface adlı influencer marketinq platforması qurub:

“ Influencer kimdir? Məşhur simalar, bloqerlər, daha çox insan tərəfindən izləyicisi olan nüfuzlu sosial media istifadəçiləri, həmçinin izləyicisi çox olmasa belə, maraqlı və yaradıcı paylaşımlar edən insanlar”.

Vaqif Abbasov platformanın fəaliyyət istiqaməti barədə ətraflı məlumat verib.

Şirkətlər/Brendlər üçün hansı problemlər həll edilir?

- Tanımadığınız influencerləri kəşf etmək.

- Influencerləri bir platformadan izləmək və onların vasitəsilə kampaniyalar həyata keçirtmək.(Artıq tək-tək əlaqə yaratmağa ehtiyac yoxdur)

- Kampaniya büdcəsini öncədən təyin edə bilmə və nəticə ilə bağlı praqnozları verə bilmək.

- Influencerlərin öz üslublarına uyğun məhsul haqqında təbii və yaradıcı məzmunların hazırlanması.

- Real vaxt çərçivəsində kampaniyanın gedişatına nəzərət və uyğun dəyişikliklər edə bilmə imkanı.

- Keçirdiyiniz kampaniyalar haqqında statistik məlumatları və hesabatları əldə etmək.

- Ödəniş əməliyyatlarını tək-tək fiziki şəxslərlə deyil, bir hüquqi şəxslə həyata keçirtmək.

Keepface  neçə işləyir?

 Qeydiyyatdan keçin

Keepface platformasında qeydiyyatdan keçib, sosial media hesablarınızı daxil edin. Şəxsi bloqunuz varsa , onu da sistemə tanıtdırın. Daha sonra Ayarlar bölməsindəki sizə aid olan məlumatları tam doldurun. Bu sizə daha uyğun kampaniyalara təkliflər almağa kömək edəcək.

Sevdiyin kampaniyanı seçin

Brendlərin sosial mediada keçirdiyi kampaniyalarda iştirak edinvə öz üslubuna uyğun məzmun hazırlayaraq təklif göndərin. Yalnız izləyicilərinizin bəyəndiyi və üslubunuza uyğun kampaniyalarda iştrak etməyiniz tövsiyyə olunur.

 Paylaşın

Qoşulduğunuz kampaniyalara uyğun hazırladığıınız məzmunları sosial media hesablarınızda (Instagram, Facebook, Twitter və s.) və bloqunuzda paylaşın.

Statistikaları izləyin

Sosial media hesablarınızdakı paylaşımların statistik məlumatlarını izləyin. İzləyicilərinizin məhsul və xidmətlərlə bağlı suallarına cavab verib, daha çox izləyicinin paylaşımdan xəbərdar olmasına kömək edin.

Gəlir əldə edin

İştrak etdiyiniz kampaniyalara uyğun ödənişləri alın və onu öz hesabınıza köçürdün.

 Məltəm Talıbzadə