Telefonlarda uşaq pornoqrafiyası yayan
Paytaxtda mobil telefon vasitəsilə uşaq pornoqrafiyası ilə bağlı görüntülər yayan şəxs tutuldu. Bu barədə Baş Prokurorluq məlumat yayıb.
Belə ki, mayın 1-də Respublika Prokurorluğunda paytaxtda naməlum şəxslər tərəfindən mobil telefon vasitəsilə uşaq pornoqrafik görüntülərinin yayılması faktı ilə bağlı Cinayət Məcəlləsinin 242-ci maddəsilə cinayət işi başlanıb və iş Daxili İşlər Nazirliyinin Mütəşəkkil Cinayətkarlıqla Mübarizə İdarəsinə göndərilib. İstintaq zamanı müəyyən edilib ki, həmin pornoqrafik məlumatları yayan Lənkəran rayonu, Boladi kəndində anadan olmuş, Yasamal rayonu, Zahid Xəlilov küçəsində fəaliyyət göstərən \\\"Tacir\\\" İnternet Klubunda nəzarətçi-server vəzifəsində işləyən Hüseynov İlkin Ramiz oğludur. İstintaqla müəyyən olunub ki, həmin şəxs pornoqrafik materialları yaymaqla onun ticarətlə məşğul olmaq məqsədilə bu il aprelin 25-də istifadə etdiyi \\\"Nokia\\\" markalı 564 24 65 nömrəli mobil telefon vasitəsilə War. saytına daxil olaraq oradan azyaşlıların iştirak etdiyi \\\"Məhəllə seksi\\\" və böyüklərin iştirak etdiyi \\\"Amerikan\\\" adlı qısametrajlı əcnəbi istehsalı olan porno görüntüləri telefonuna daxil edib. Bundan sonra həmin görüntüləri nəzarətçi-server işlədiyi \\\"Tacir\\\" İnternet Klubda istifadə etdiyi bilgisayara köçürüb. İlkin Hüseynov aprelin 30-da internet kluba gələn müştəri Mərdan Qəmbərovun telefonuna 2 manat müqabilində 5 pornoqrafik görüntü köçürmüş və həmin görüntüləri digər müştəri Şahin Məmədova nümayiş etdirib.
Həmin tarixdə daxil olan məlumatlar əsasında Daxili İşlər Nazirliyinin İnsan Alverinə Qarşı Mübarizə İdarəsinin əməkdaşları tərəfindən İlkin Hüseynov cinayət başında yaxalanıb. İlkin Hüseynova törətdiyi əmələ görə Cinayət Məcəlləsinin 242-ci madəsilə ittiham elan edilib. İstintaq zamanı \\\"Tacir\\\" İnternet Klubunun fəaliyyəti dayandırılıb. İlkin Hüseynov barəsində başlanmş cinayət işinin istintaqı iyunun 23-də yekunlaşdırılıb və iş baxılmaq üçün Yasamal rayon məhkəməsinə göndərilib. Bundan başqa, həmin işdən azyaşlıların iştirak etdiyi \\\"Məhəllə seksi\\\" adlanan pornoqrafik filmi hazırlayaraq internet vasitəsilə yaymış adı istintaqa məlum olmayan şəxslər barədə Cinayət Məcəlləsinin 242-ci maddəsi ilə cinayət işinin istintaqı davam etdirilir.
