Forbes əməkdaşları Teleqramın aylıq xərcini elan ediblər

01-07-2022 / 11:03

Pavel Durovun daha əvvəlki bəyanatlarına və fərdi mənbələrə əsaslanaraq Forbes əməkdaşları Teleqramın aylıq xərclərini hesablayıblar. Pavel Durov "Telegram Premium"un istifadəyə verildiyini elan edən zaman qeyd etmişdi ki, messencerin ümumi istifadəçi kütləsinin 2.5-3%-i "Telegram Premium"u əldə etsə, şirkət öz xərclərini qarşılaya və onun problemsiz fəaliyyətini təmin edə bilər.

Xeberler.az bildirir ki, Forbes messencerin 700 milyonluq istifadəçi kütləsini və "Telegram Premium"un aylıq abunəlik haqqını nəzərə alaraq belə nəticəyə gəlib ki, messencerin aylıq xərci 45 milyon dollar təşkil edir. İl ərzində isə bu göstərici 540 milyon dollar təşkil edir. Bu göstərici "Telegram Premium"un bütün dünya üzrə orta aylıq qiyməti (4$ səviyyəsində), ƏDV, Apple şirkətinin 30%-lik, Google şirkətinin isə 15%-lik komissiyası və digər faktorlar nəzərə alınmaqla əldə edilib.

    Forbesun fərdi mənbəyi qeyd edib ki, messencerin bütün xərclərinin qarşılanması üçün ümumi istifadəçi kütləsinin 2.5%-nin "Telegram Premium"dan istifadə etməsi kifayətdir. Lakin əgər "Telegram Premium"dan ümumi istifadəçi kütləsinin 3%-i istifadə etsə, şirkət yeni faydalı funksiyaların istifadəyə verilməsi üçün əlavə vəsaitə sahib olacaq. Maraqlısı ondadır ki, 2019-cu ildə Teleqram infrastrukturunun xidməti üçün 190 milyon dollar, 2020-ci ildə isə 220 milyon dollar vəsait xərclənmişdi. Həmin vaxtda məlumat verilmişdi ki, messencer 400 milyonluq istifadəçi kütləsinə sahibdir. Beləliklə belə nəticəyə gəlmək olar ki, Teleqramın istifadəçi kütləsi 2020-ci ildən 2022-ci ilə kimi 1.75 dəfə, xərcləri isə 2.5 dəfə artıb.

 (technote.az)

ŞƏRHLƏR






sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.