TƏDBİRLƏR

Azərbaycanın Trend İnformasiya Agentliyi ilə Caucasian Review of International Affairs (CRIA) alman analitik nəşri arasında informasiya sahəsində əməkdaşlıq haqda razılaşma imzalanıb.Bu haqda Trend İnformasiya Agentliyinin veb-resursunda məlumat verilib.

Razılaşma xəbər və analitik materiallarının mübadiləsini, həmçinin sifariş yolu ilə ikitərəfli əməkdaşlıq, sərmayə və beynəlxalq münasibətlər üzrə eksklüziv materialların hazırlanmasını nəzərdə tutur. Tərəflər gələcəkdə peşəkar təcrübə mübadiləsi sahəsində də əməkdaşlıq barədə razılığa gəliblər.

Beynəlxalq münasibətlərin Qafqaz icmalı (CRIA) - Almaniyada qeydiyyatdan keçib. Qeyri-kommersiya və akademik onlayn-jurnaldır. 2006-cı ildən ingilis dilində nəşr olunur. Geniş Beynəlxalq Məsləhət və Redaksiya Şurasına malik olma üstünlüyü Qafqaz, həmçinin Türkiyə, İran, Mərkəzi Asiya, Şərqi Avropa və başqa yerlərdə icmal, səmərəli dialoq və regional məsələlər üzrə fikir mübadiləsi aparmaq imkanı verir. CRIA-nın oxucuları arasında beynəlxalq münasibətlər üzrə peşəkarlar, səfirliklər, yüksək vəzifəli şəxslər, parlamentarilər, regional və beynəlxalq qeyri-hökumət təşkilatlar və b. vardır.

Qeyd edək ki, Trend İnformasiya Agentliyi 1995-ci ildə Azərbaycanda  yaradılmış özəl beynəlxalq informasiya agentliyidir.