APA və mail.ru şirkətləri əməkdaşlıq haqqında müqavilə imzaladılar

04-11-2010 / 13:47

“Azəri-Press” İnformasiya Agentliyi (APA) və Rusiyanın mail.ru şirkəti arasında əməkdaşlıq haqqında müqavilə imzalanıb.

Müqaviləyə əsasən, APA informasiya agentliyi və “APA Group”a daxil olan vesti.az informasiya agentliyi mail.ru” saytının xəbər bölümünü Azərbaycanla bağlı xəbərlərlə təmin edəcək.

Qeyd edək ki, mail.ru şirkətinin Azərbaycan üzrə regional partnyoru “New Media” şirkətidir.

Azəri-Press Agentliyi (APA) 2004-cü ildə yaranıb. Agentlik Cənubi Qafqazın lider xəbər şirkətləri sırasındadır, Azərbaycan, rus, ingilis, ərəb və fransız dillərində xəbər yayımı ilə məşğuldur.

“APA Group”a lent.az, vesti.az, apasport.az informasiya agentlikləri və “Ekonomist” jurnalları daxildir.

“New Media” şirkəti isə 2009-cu ilin iyul ayından fəaliyyətə başlayıb. Reklam verənlərə media planlama və satınalma üzrə xidmətlər göstərir.   


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.