Türkmənistan ASAN Xidmət ilə maraqlanır

07-10-2015 / 15:31

Türkmənistan Azərbaycanın ASAN Xidmət bazasında əhaliyə göstərilən innovativ xidmət modelilə yaxından maraqlanır. 

Xeberler.az bildirir ki, ASAN Xidmətin Türkmənistanda tətbiqi barəsində müsbət qərar qəbul olunarsa, o zaman sözügedən innovativ modelin Türkmənistanda gerçəkləşdirilməsi üçün müvafiq konsorsiumun yaradılması planlaşdırılır. Azərbaycan tərəfindən konsorsiuma Dünya Bankı və Asiya İnkişaf Bankının dəstəyilə Mərkəzi Asiya ölkələrində mühüm avtomatlaşdırma sistemlərini tətbiq etməklə bu sahədə böyük təcrübə qazanmış SINAM şirkəti daxil olacaq. SINAM şirkəti Türkmənistanın ASAN Xidməti üçün nəzərdə tutulmuş e-platformların quraşdırılmasılə məşğul olacaq. 

Türkmənistan əhali və biznesə xidmət göstərən bütün nazirlik və digər hökumət qurumlarının qoşulacağı və BULUD texnologiyalarının tətbiqilə yaradılacaq vahid hökumət e-platforması layihəsini reallaşdırmasğı düşünür. Təcrübə göstərir ki, məhz müasir yüksək texnologiyaların tətbiqi əhali və biznes-qurumlarına göstərilən sosial innovativ xidmətlərin effektivliyini dəfələrlə artırmağa imkan verir.

Qeyd etmək lazımdır ki, 2016-cı il Türkmənistanda avtomatlaşdırma ili elan edilib və bununla əlaqədar olaraq ölkənin yüksək texnologiyalar sahəsində müxtəlif layihələrin reallaşdırılması nəzərdə tutulub. 

Onu da bildirək ki, ASAN Xidmət Türkmənistanın ən böyük şirkətlərindən biri olan Qaraqum-un dəstəyilə təşkil edilmiş Turkmentel 2015 sərgisində təmsil olunmüşdu.

 

Xeberler.az


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.