Universitetlərdə hansı rəqəmsal təhsil platformaları tətbiq edilir ?
"Universitetlərin həm özəl təhsil platformaları var, həm də Təhsil Nazirliyinin rəqəmsal həllərindən istifadə edirlər".
Xeberler.az bildirir ki, bu sözləri Azərbaycan İnternet Formunun Prezidenti Osman gündüz deyib.
Ekspertin sözlərinə görə, cari ildən etibarən təhsilalanların qeydiyyatı, təhsil almaq barədə arayışların verilməsi , tələbələrin yerdəyişməsi, xarici dövlətlərin ali təhsil sahəsində ixtisaslarının tanınması, təhsil sənədlərinin həqiqiliyinin onlayn yoxlanılması Təhsil Nazirliyinin rəqəmsal həlləri vasitəsilə həyata keçirilir.
Ötən ildən başlayaraq universitetlər distant təıhsilin təşkili üçün Microsoft Teams və ZOOM platformalarını özlərinin təhsil platformalarına inteqrasiya edərək istifadəyə başlayıblar".
Dövlət və özəl olmasından asılı olmayaraq hər bir universitetin özəl təhsil platforması da var.
Bəzi universitetlərdə mövcud olan təhsil platformalarını təqdim edirik:
1. BDU
Cari ildən etibarən Blackboard Platforması( ABŞ) tətbiq edilməyə başlanıb. Ötən il Microsoft-un Teams platformasından istifadə edilirdi.
2. UNEC
EduMan Platforması (Ultra Technologies), Platforma ZOOM sisteminə inteqrasiya edilib.
3. AzTU
KOİCA Platforması(Koreya ), Hazırda yerli təhsil platformasının hazırlanması üzərində işlər aparılır.
4. Azərbaycan Dövlət İncəsənət Universiteti
EduMan Platforması (Ultra Technologies).
5. Dövlət Dillər Universiteti
EduMan Platforması (Ultra Technologies).
6. ADNSU
UniBook Platforması(Neuron).
7. Qərbi Kaspi Universiteti
UniBook Platforması(Neuron).
8. Bədən Tərbiyəsi Akademiyası
EduMan Platforması (Ultra Technologies).
9. UTECA
UniBook Platforması (Neuron).
10. Azərbaycan İlahiyyat İnstitutu
UniBook Platforması (Neuron).
11. Xəzər Universiteti
Moodle (Açıq mənbəli platforma).
12. ADA
Blackboard Platforması (ABŞ).
13. Gömrük Akademiyası
Akademiyanın özünün yoxdur, Teams+Zoom Platformasından istifadə edilir
14.Turizm və Menecment Universiteti
EduMan Platforması (Ultra Technologies).
15. Aqrar Universitet
Universitetin özünün yoxdur, Teams istifadə edilir
16. BMU
TMS Platforması(Universitet özü hazırlayıb)
17. Azərbaycan Universiteti
Universitetin özünün yoxdur
Son olaraq Osman Gündüz bildirib ki, bir sıra Universitetlər yeni təhsil platformaları hazırlayırlar. "Düşünürəm ki, mövcud və hazırlanacaq bu resursların Təhsil Nazirliyinin təhsil resurslarına inteqrasiya ilə bağlı Təhsil Nazirliyi tərəfindən vahid bir tövsiyyələrin hazırlanması faydalı olardı".
