Azərbaycanın təhsil sistemində yenilik

13-09-2016 / 09:48

Məlumat verdiyimiz kimi, Azərbaycanda təhsil sistemində Unibook elektron tədris idarəetmə sistemi yaradılırdı.

Belə ki, Neuron Technologies şirkətinin ölkəmizə gətirdiyi yeni sistem barədə Xeberler.az-da ətraflı məlumat vermişdik.

 “Artıq Azərbaycan universitetlərində Unibook adlandırılan dünya səviyyəli elektron tədris idarəetmə sistemi tətbiq edilməyə başlanıb”.

Bu barədə Xeberler.az –a Neuron Technologies şirkətinin baş direktoru İsmayıl Ələkbərov məlumat verib.

Onun sözlərinə görə, Unibook elektron təhsil həlləri ölkəmizdəki universitetlərdə geniş istifadə olunur:

"Neuron Technologies şirkəti Unibook – tədrisin informasiya idarəetmə sisteminin tətbiqi çərçivəsində yazılı imtahanların kompüterlər vasitəsilə təşkilinə nail olub. Belə ki, artıq ötən ildən bu təcrübə Dövlət Gömrük Komitəsinin Akademiyasında tətbiq olunmağa başlayıb.  Bu ildən isə Azərbaycan Dövlət Neft və Sənaye Universitetində tətbiqə başlanıb".

Onun sözlərinə görəı, sistem Dövlət Neft və Sənaye Universitetində uğurla tətbiq edilicək:

"9,500-dən artıq tələbə, 1,000 nəfərdən artıq pedaqoji-inzibati heyət öz fərdi hesabları ilə təhsil və tədrislə bağlı bütün prosesləri elektron formada idarə edə biləcək".

Qeyd edək ki, sistem vasitəsilə QR kod oxuma sisteminin tətbiqi sayəsində tələbələr imtahan suallarını kompüter monitorlarında cavablandıra bilir. Sistemin tərkib hissəsi olaraq, tələbə imtahan sual vərəqəsini çap edə bilir və bu zaman həmin tələbə sualları cavablandırır və vərəqəni skanner aparatına daxil edir.

Bu zaman xüsusi QR kod Neuron Technologies şirkətinin hazırladığı xüsusi kompüter proqramı tərəfindən tanınır və cavab avtomatik olaraq tələbənin imtahan cavabı folderinə daxil edilir.

Müəllimlər də həmin sualları onlayn qaydada yoxlayıb, sualları cavablandırır və cavablar tələbələrin qiymətləndirilməsində əks olunur.

Müəllimlər öz mobil telefonları vasitəsilə də tələbələrin qiymətləndirilməsini mobil qaydada həyata keçirə bilir. Bu zaman şəffaflıq da təmin olunur. Çünki müəllimin qarşısındakı monitorda tələbələrin cavabları xaotik qaydada təqdim olunur və qiymətləndirmədə subyektiv amillərin istifadəsi mümkün olmur.

Şirkət təhsildə yazılı imtahanların həyata keçirilməsini təmin edən bu yeni texnologiyanın tətbiqini genişləndirmək niyyətindədir.

İsmayıl Ələkbərov qeyd edib ki, artıq bir neçə digər nüfuzlu ali təhsil müəssisəsi də yazılı imtahanların elektron qaydada keçirilməsinin təmin edilməsi üçün Neuron Technologies şirkətinə müraciət etdib  və bu istiqamətdə işlər davam etdirilir.

 

Məltəm Talıbzadə

 

 


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.