Fransalı İT mütəxəssisləri Neuron Technologies şirkətində çalışacaq

03-04-2015 / 17:10

Fransalı IT mütəxəssisləri Neuron Technologies şirkətində çalışacaq.

Bu barədə Xəbərlər-ə şirkətdən məlumat veriblər.

Bildirilib ki, aprelin 2-də Fransanın ali təhsil müəssisələrinin Azərbaycana səfəri çərçivəsində Fransanın Kompüter Elmləri Universitetinin (EPİTA - Gradute School of Computer Science) icraçı direktoru Joel Kurtua ilə Neuron Technologies şirkətinin nümayəndələri arasında şirkətin ofisində görüş keçirilib.  Görüşdə Fransa səfirliyin nümayəndəsi də  iştirak edib.

Şirkətinin rəhbəri İsmayıl Ələkbərov Neuron Technologies-in ölkəmizdə ən sürətli inkişaf edən İT şirkətlərindən biri olduğunu diqqətə çatdıraraq, ölkəmizdə İKT üzrə həyata keçirilən fəaliyyət, informasiya texnologiyalarının inkişaf dinamikası, şirkətin həyata keçirdiyi uğurlu layihələr və gələcək perspektivlər barədə söhbət açıb.

Görüş zamanı Neuron Technologies şirkəti ilə EPİTA arasında yaxın gələcəkdə əməkdaşlığa başlanması ilə bağlı əməkdaşlıq əldə edilib.

Əldə olunan razılaşmaya görə, yuxarı kurslarda təhsil alan Fransız magistr tələbələr Neuron Technologies şirkətində 5 aylıq təcrübə keçmək və konkret layihələrə qatılmaq üçün Bakıya gələcək. Eyni zamanda, Neuron Technologies şirkətinin əməkdaşları kompüter elmləri, o cümlədən, proqram təminatı, kiber təhlükəsizlik, sistem inteqrasiyası üzrə müxtəlif sahələr üzrə təhsil almaq və elmi-tədqiqatlarda iştirak etmək üçün Parisə yollanacaqlar. Universitetin Kodlaşdırma Akademiyasında yerli şirkətimizin mütəxəssisləri müasir kompüter texnologiyaları üzrə kurslarda iştirak edəcək.

Məltəm Talıbzadə 


ŞƏRHLƏR






sorğu
İT mütəxəssislər iş yerlərini hansı meyarlar əsasında seçir ?
  • Şirkətin yüksək statusuna görə
  • İşin, layihənin xarakterinə görə
  • Əmək müqaviləsinin olmasına görə
  • Yüksək əmək haqqına, mükafatlara və digər güzəştlərə görə
  • Gələcək karyerası üçün əhəmiyyət kəsb etdiyinə görə
  • Maraqlı, işgüzar kollektivə görə