Universitetlərdə yazılı imtahanlar elektronlaşdırılır

03-06-2016 / 17:00

Neuron Technologies şirkətinin elektron təhsil həlləri  ölkəmizdəki  universitetlərdə geniş istifadə olunur.

Şirkətdən Xeberler.az-a verilən  məlumata görə,  Neuron Technologies şirkətinin elektron təhsil həlləri və tədris idarəetmə sistemləri hazırda ölkəmizin ali təhsil müəssisələrində geniş tətbiq olunur.

Artıq yay imtahan sessiyası başlanıb.

Məlum olduğu kimi, ali təhsil müəssisələrimizin əksəriyyətində imtahanlar test üsulu ilə keçirilir.

Test üsulu ilə imtahanların fərdi kompüterlərdə keçirilməsi normal təcrübə hesab olunur. Lakin yazılı imtahanların elektron vasitələrlə aparılması təcrübəsi ölkəmizdə geniş yayılmayıb.

İlk dəfə olaraq, Neuron Technologies şirkəti Unibook – tədrisin informasiya idarəetmə sisteminin tətbiqi çərçivəsində yazılı imtahanların kompüterlər vasitəsilə təşkilinə nail olub.

Belə ki, artıq ötən ildən bu təcrübə Dövlət Gömrük Komitəsinin Akademiyasında tətbiq olunmağa başlayıb.

Şirkətdən verilən məlumata görə,  bu ildən isə Azərbaycan Dövlət Neft və Sənaye Universitetində tətbiqə başlanıb.

Sistem vasitəsilə QR kod oxuma sisteminin tətbiqi sayəsində tələbələr imtahan suallarını kompüter monitorlarında cavablandıra bilir. Sistemin tərkib hissəsi olaraq, tələbə imtahan sual vərəqəsini çap edə bilir və bu zaman həmin tələbə sualları cavablandırır və vərəqəni skanner aparatına daxil edir.

 Bu zaman xüsusi QR kod Neuron Technologies şirkətinin hazırladığı xüsusi kompyuter proqramı tərəfindən tanınır və cavab avtomatik olaraq tələbənin imtahan cavabı folderinə daxil edilir.

Müəllimlər də həmin sualları onlayn qaydada yoxlayıb, sualları cavablandırır və cavablar tələbələrin qiymətləndirilməsində əks olunur.

Müəllimlər öz mobil telefonları vasitəsilə də tələbələrin qiymətləndirilməsini mobil qaydada həyata keçirə bilir. Bu zaman şəffaflıq da təmin olunur. Çünki müəllimin qarşısındakı monitorda tələbələrin cavabları xaotik qaydada təqdim olunur və qiymətləndirmədə subyektiv amillərin istifadəsi mümkün olmur.

Neuron Technologies şirkətindən verilən məlumata  görə,  təhsildə yazılı imtahanların həyata keçirilməsini təmin edən bu yeni texnologiyanın tətbiqini genişləndirmək əzmindədir.

Artıq bir neçə digər nüfuzlu ali təhsil müəssisəsi də yazılı imtahanların elektron qaydada keçirilməsinin təmin edilməsi üçün Neuron Technologies şirkətinə müraciət etdib  və bu istiqamətdə işlər davam etdirilir.

Məltəm Talıbzadə

 


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.