Wi-Fi insanın hərəkət sürətini ölçəcək

04-05-2017 / 09:35

Massaçusets Texnologiya İnstitutunun (ABŞ) alimləri radiosiqnallardan istifadə etməklə insanın hərəkət sürətini ölçən WiGait adlı qurğunu təqdim ediblər.

Xeberler.az xarci mediaya istinadən məlumat verir ki, kiçik şəkil ölçüsündə divar lövhəсiyi kimi görünən qurğu mobil telefonlar və ya Wi-Fi modemlərin siqnallarından daha zəif radiosiqnallar yayır.

Boy və bədən nisbətini nəzərə alaraq bir neçə insanı “fərqləndirən” WiGait cihazı siqnalların insan bədənində “əks olunmasını” qeydə alır və onların hərəkətini izləyir.

Yeni qurğu RF Capture texnologiyasına əsaslanır. Bu, insanların hərəkətini simsiz şəbəkə vasitəsilə “izləmək” üçün ilk cəhd olmasa da, texnologiya yaradıcıları siqnalın kənar səslərdən təmizlənməsi alqoritmləri ilə işə böyük diqqət yetiriblər. Bu, texnologiyaya 15 insan bədəninin cizgisini təxminən 90 faiz dəqiqliklə fərqləndirməyə imkan verib.

WiGait məlumatları 99 faiz dəqiqliklə emal edir. Alqoritm insanın yerişini digər gündəlik hərəkətlərindən fərqləndirə bilir.

Bundan əvvəl Kaliforniya Universitetinin tədqiqatçıları alqoritmlə təchiz edilmiş, ətrafda olan insanların (simsiz şəbəkədən istifadə etməyənlər də daxil olmaqla) sayını hesablayan Wi-Fi ötürücü aparatlar hazırlayıblar. Bu kimi qurğuların ağıllı evlərdə soyuducu və istilik sistemlərinin avtomatik nizamlanması üçün istifadə olunması planlaşdırılır.


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.