Süni intellekt insanların 3D-modelini yaradır

23-04-2018 / 10:00

Almaniyanın Maks Plank adına İnformatika İnstitutu və Braunşveyq Texniki Universitetinin tədqiqatçıları video üzrə insanın 3D-modelini yarada bilən süni intellekt texnologiyası hazırlayıblar.

Xeberler.az xarici mediaya istinadən məlumat verir ki, model insanın 360 dərəcə döndüyü qısa video vasitəsilə yaradılır.

Neyroşəbəkə ilk növbədə, silueti fondan ayırır, sonra oynaqların vəziyyətini müəyyən edərək modeli yaradır, saç və geyimin teksturları ilə onu detallaşdırır.

İstehsalçılar qeyd ediblər ki, süni intellekt hələ ki, modelləri 5 mm orta dəqiqliklə yaradır. Hazırda mühəndislər ətək və uzun saçlarla əlaqədar çətinliklərin aradan qaldırılması ilə məşğuldurlar.

Hazır modelləri redaktə etmək, hərəkət etdirmək və onların geyimini dəyişmək mümkündür. Texnologiyanın 2018-ci ilin iyun ayında “Kompüter görməsi və obrazların tanınması” (Computer Vision and Pattern Recognition – CVPR) konfransında təqdim edilməsi planlaşdırılır. 

Xeberler.az


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.