Wi-Fi vəhşi təbiət üçün təhlükəlidir?

25-05-2018 / 12:51

Simsiz internetin elektromaqnit şüaları əksər quş və həşəratlara ciddi ziyan vurur.

Xeberler.az NRYTN-in elektron xəbər xidmətinə istinadən bildirir ki, 97 elmi işi təhlil edən ekoloqlar belə qənaətə gəliblər ki, Wi-Fi şəbəkəsi siqnallarından ziyan ehtimal ediləndən daha ziyanlıdır.

Simsiz şəbəkələrin elektromaqnit şüaları quş və həşəratların istiqaməti müəyyənləşdirməsini və miqrasiya proseslərini pozur. Bundan başqa, simsiz internetin siqnalları bitkilərin metabolizminə mənfi təsir göstərir.

Hesabat müəllifləri ehtiyat edir ki, simsiz rabitənin, o cümlədən 5G standartının tətbiqindən sonra inkişafı bioloji növ müxtəlifliyi üçün ağır nəticələrə səbəb olacaq. Rəqəmli texnologiyaların hər yerdə tətbiqi təbii davranışı güclü elektromaqnit şüalanmasına görə pozulan növlərin kütləvi məhvinə gətirib çıxaracaq.

Ekoloqlar bildirir ki, elektromaqnit çirkləndirməsi ilə mübarizə üçün siyasi tədbirlərin görülməsinə çoxdan ehtiyac yaranıb. “Biz ətraf mühiti qorumaq məqsədilə bütün növ çirkləndirmələr üçün məhdudiyyətlər tətbiq edirik, lakin elektromaqnit şüalanmasının təhlükəsizlik səviyyəsi və normaları indiyədək hətta Avropada da müəyyənləşdirilməyib”, - Buglife Təbiəti Mühafizə Fondunun direktoru, hesabat müəllifi Mett Şardlou bildirib.

Xeberler.az


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.