Xarizmatik lider olmaq istəyənlərə şans: Merle Runqe Bakıya gəlir

09-04-2015 / 12:43

AzPMA-nın dəvəti ilə Almaniyada mədəniyyətlər arası mühitdə layihələrin idarəedilməsi üzrə 20-illik təcrübəyə malik Merle Runqe Bakıya təşrif buyuracaq.

Xəbərlər-in məlumatına görə, Merle Runge aprelin 28-30-da  müasir dünyadakı iş sisteminə (World Work) əsaslanan «Xarizmatik layihə liderliyini inkişaf etdir» mövzusunda unikal beynəlxalq workshop-təlimp roqramını təqdim edəcək.

Təlim zamanı əldə edilən təcrübə biznesin bütün sferalarında tətbiq oluna bilər.

AzPMA-nın prezidenti, texniki elmlər doktoru, professor İqbal Babayev Merle Runqenin Bakıya dəvət olunmasından danışıb. O, qeyd edib ki, bazarda yeni innovasiyalar yarandıqda menecerlər adətən problemlərlə qarşılaşmalı olur ki, bu da öz növbəsində, komandanın motivasiya ruhu və uğuruna inamının itirilməsinə səbəb olur: “Çox zaman menecerlər bizə insanları ruhlandıraraq daha artıq intuziazmla işləməyə necə davam etmək olar sualı ilə müraciət edirlər. Bu səbədən də, AzPMA daima interaktiv təlimlər təşkil edir, belə ki, bu cür tədbirlər və peşəkarlarla ünsiyyət yaratmaq imkanı iştirakçılara mürəkkəb məsələləri həll etməyə və layihələrin idarə edilməsi sahəsində dünyagörüşünü artırmağa kömək edir. Bu səbəbdən, ilk öncə təşəkkürümü bildirmək istərdim ki, Almaniyadan olan həmkarımız Merle Runqe Bakıya etdiyimiz dəvəti qəbul edib. İkincisi isə, bildiyiniz kimi, o, IPMA-nın beynəlxalq standartları üzrə təlimçidir, bu sistemin əsasını isə yalnız texniki deyil, həmçinin şəxsiyyət yanaşmları da təşkil edir. Bu, layihələrin idarə edilməsi sahəsində çalışan və xarizmatik lider olmaq istəyən hər bir kəs üçün yaxşı şans olacaqdır. Təlim iştirakçılarının bu şansdan istifadə etmələrinə çox şad olarıq. İştirakçılara məhsuldar iş və uğurlar arzu edirəm”.

Bakıya gəlməyi planlaşdıran Merle Runqe isə bildirib ki, kurs müddətində plenar iclaslar və qrup ilə tapşırıqlar və proses-yönümlü struktur yerinə yetiriləcək: “Biz, hər birimiz düşündüyümüzdən daha artığına qadirik. Layihə meneceri və ya lider rolunda öz biliklərimizi və daxili aləmimizi artırmaq imkanı çox əsas və qiymətlidir.  Kursun daxilində plenar iclaslar və qrup ilə tapşırıqlar və proses-yönümlü struktur yerinə yetiriləcəkdir. Siz öz şəxsi materialınız, daha doğrusu şəxsən öz layihənizdə şəxsiyyətiniz, şəxsi liderlik çağırışları, münaqişələrin həlli üzərində işləyəcəksiniz. Bakıda görüşənədək”.

Layihələrin İdarə Edilməsi Azərbaycan Assosiasiyası (AzPMA) Azərbaycan mütəxəssislərini layihələrin idarə edilməsi üzrə ən yaxşı dünya ekspertləri ilə tanış etməyə davam edir. AzPMA-nın sayəsində Bakıya Gilbert Silvius (Niderland), Sergey Buşuyev (Ukrayna), Xiroşi Tanaka (Yaponiya) və digərləri kimi beynəlxalq ekspertlər gəlmişdi.

 

Mirvari Nəcəf


ŞƏRHLƏR






sorğu
İT mütəxəssislər iş yerlərini hansı meyarlar əsasında seçir ?
  • Şirkətin yüksək statusuna görə
  • İşin, layihənin xarakterinə görə
  • Əmək müqaviləsinin olmasına görə
  • Yüksək əmək haqqına, mükafatlara və digər güzəştlərə görə
  • Gələcək karyerası üçün əhəmiyyət kəsb etdiyinə görə
  • Maraqlı, işgüzar kollektivə görə