TƏDBİRLƏR

Layihələrin İdarə Edilməsi Azərbaycan Assosiasiyası mayın 2-də "Layihələrin böhranlı mühitdə idarə edilməsi” mövzusunda layihə menecerlərinin 10-cu klub görüşünü (Project Managers` Club) keçirəcək.

Xəbərlər-in məlumatına görə,  görüş AzTU-nun nəzdində fəaliyyət göstərən Layihələrin idarə olunması və innovasiyalar Mərkəzində baş tutacaq. Azerbaijan Project Management Association (AzPMA) layihələrlə işləyən menecer və mütəxəssisləri PM Club görüşündə layihələrin idarə edilməsi üzrə beynəlxalq standartlara hazırlıq məqsədilə həmkarları ilə təcrübə mübadiləsi etməyə dəvət edir.

Dəyirmi masanın məruzəçisi iqtisadi elmlər namizədi, dosent, IPMA Level B – Sertifikatlaşdırılmış aparıcı layihə meneceri, AzPMA-nın asessoru Murad Bağırzadə iştirak edəcək. Qeyd edək ki, Murad Bağırzadə  15 illik beynəlxalq layihə məsləhətçisi, 15 il təlimçi və 30 il tədris stajına, 27 il iş təcrübəsinə malikdir. Murad Bağırzadə prezentasiya zamanı, mühitin destabilləşməsi üzrə tipik hadisələr, layihə mühiti və arzuolunmaz dəyişikliklər, layihə risklərinin təhlili və böhran faktorları barədə bir sıra suallara toxunacaq.

Dəyirmi masada menecer-təcrübəçilər, IPMA-nın beynəlxalq sertifikatlaşdırma proqramından keçən Azərbaycanın iri şirkət nümayəndələri və AzPMA PM Club-un daimi iştirakçıları iştirak edəcəklər. Seminarda  Azərbaycanın təcrübəli menecerlərinin böhranlı vəziyyətdən çıxması üzrə nümunlər, ölkəmzidə mütəxəsisslərin qiymətləndirilməsi nöqteyi-nəzərindən problemli layihələr diqqət ətrafında müzakirərlər aparılacaq.

Görüş Azərbaycan dilində keçiriləcək.

Qeydiyyatdan keçmək mütləqdir: [email protected]; tel.:+994 12 404 18 60 (dax.2498), mob.:+99 455 511 95 98

Xeberler.az