Beynəlxalq menecer statusu qazanmaq istəyənlərə fürsət

26-05-2015 / 15:13

Layihələrlə işləyən Azərbaycan təşkilatlarının hər bir meneceri layihələrin idarə  edilməsi üzrə biliklər və Beynəlxalq Sertifikat əldə edə biləcəklər.

Bunun üçün 12 iyun tarixinədək IPMA-nın (International Project Management Association) beynəlxalq sertifikatlaşdırma proqramı üzrə qeydiyyatdan keçmək lazımdır.

Xeberler.az-ın məlumatına görə, proqram - təlim və imtahandan ibarətdir, sonda məzun olan şəxslər bütün dünyada tanınan IPMA sertifikatını (sertifikatlar İsveçrədə qeydiyyatdan keçir) alacaqlar.  Təlim və imtahan namizədə münasib oaln dildə (azərbaycan, rus, ingilis) keçirilir.

“Layihələrin idarə edilməsi” üzrə təlim layihə menecerinin əsas kompetensiylarına malik olmaq üçün imkan yaradacaq, əsas sənədlər olan: layihə nizamnaməsi, iş strukturu, vaxtın, risklərin idarə edilməsi, marağı olan tərəflər haqda məlumatlar və s. haqda öyrədəcək. Siz eləcə də, liderlik, özünü-idarəetmə, motivasiya, danışıqların aparılması, münaqişələr, böhranlar və s. üzrə şəxsi xarakteristikalar haqda məlumaat əldə edəcəksiniz. Microsoft Project proqram təminatının öyrənilməsinə də ayrıca məşğələ həsr ediləcək. Təlim 24 saat müddətində, hər dərs 2 saat olmaqla, 12 dərsdən ibarət olacaq. (iş saatından sonra)

Daha sonra namizədlər imtahan verir, eləcə də, interaktiv praktiki sessiyalar zamanı komanda işində fəallığı üzrə qiymətləndirilir.  “С” və daha yüksək dərəcələr layihə hesabatı yazır və asessorlar ilə müsahibədən keçirlər. 

Kursun tam proqramı 2 ay müddətində davam edir və artıq 12 avqust tarixində məzunlar IPMA sertifikatina və layihə menecerliyi üzrə aşağıdakı beynəlxalq statusa yiyələnir:

“D” dərəcəsi – layihələrin idarə edilməsi üzrə sertifikatlaşdırılmış mütəxəssis;

“С” dərəcəsi – sertifikatlaşdırılmış layihə meneceri;

“B” dərəcəsi – sertifikatlaşdırılmış aparıcı layihə meneceri;

“A” dərəcəsi – layihələr direktoru.

Proqramı IPMA-nın beynəlxalq sertifikatlaşdırma üzrə Azərbaycanda rəsmi orqanı Layihələrin İdarə Edilməsi Azərbaycan Assosiasiyası keçirir. Sertifikatın təsdiqlənməsi və alınması üşün xaricə getmək lazım deyil, belə ki, bütün mərhələlər Bakıda, AzPMA ofisində Sizə münasib olan vaxtda keçirilir.

Qeydiyyat üçün müraciət edə bilərsiniz: [email protected], тел.:+994 12 404 18 60 (ext.2498), mob.: +99 455 511 95 98

AzPMA Azərbaycanda International Project Management Association (IPMA) –nın Milli Assosiasiyası və eyni zamanda beynəlxalq sertifikatlaşdırma üzrə rəsmi orqanıdır.

 

Məltəm Talıbzadə

 

 


ŞƏRHLƏR






sorğu
İT mütəxəssislər iş yerlərini hansı meyarlar əsasında seçir ?
  • Şirkətin yüksək statusuna görə
  • İşin, layihənin xarakterinə görə
  • Əmək müqaviləsinin olmasına görə
  • Yüksək əmək haqqına, mükafatlara və digər güzəştlərə görə
  • Gələcək karyerası üçün əhəmiyyət kəsb etdiyinə görə
  • Maraqlı, işgüzar kollektivə görə