Xüsusi Rabitə və İnformasiya Təhlükəsizliyi Dövlət Xidməti AzTU ilə əməkdaşlığa başladı

05-11-2022 / 18:31
Xüsusi Rabitə və İnformasiya Təhlükəsizliyi Dövlət Xidməti ilə Azərbaycan Texniki Universiteti (AzTU) arasında əməkdaşlıq memorandumu imzalanıb.
 
Universitetdən Xeberler.az-a verilən məlumata görə, Dövlət Xidmətinin rəisi, general İlqar Musayev İnformasiya Təhlükəsizliyi və Kibertəhlükəsizlik üzrə 2023–2026-cı illər üçün Milli Strategiya layihəsinin hazırlandığını və hökumətə təqdim edildiyini bildirib.
 
Xidmət rəisi Strategiyanın prioritet istiqamətlərindən biri kimi, “Elmi tədqiqatlar, təhsil və yüksəkixtisaslı kadr təminatı”nın nəzərdə tutulduğunu və bu istiqamətdə AzTU ilə əməkdaşlığın faydalı olacağını bildirib.
 
Rektor Vilayət Vəliyev AzTU-da son zamanlarda kibertəhlükəsizliklə bağlı xeyli işlərin görüldüyünü, Kibertəhlükəsizlik İnstitutunun yaradıldığını və Kibertəhlükəsizlik kafedrasının açıldığını bildirib.
 
Rektor kibertəhlükəsizlik ixtisasında təhsil alan tələbələrin yüksəkixtisaslı kadr kimi yetişmələri üçün AzTU və XRİTDX ilə əməkdaşlığın çox faydalı olacağını vurğulayıb.
 
Xeberler.az

ŞƏRHLƏR






sorğu
İT mütəxəssislər iş yerlərini hansı meyarlar əsasında seçir ?
  • Şirkətin yüksək statusuna görə
  • İşin, layihənin xarakterinə görə
  • Əmək müqaviləsinin olmasına görə
  • Yüksək əmək haqqına, mükafatlara və digər güzəştlərə görə
  • Gələcək karyerası üçün əhəmiyyət kəsb etdiyinə görə
  • Maraqlı, işgüzar kollektivə görə