MÜSAHİBƏ

Son zamanlar ölkədə İT sahəsində, xüsusilə də informasiya təhlükəsizliyi və kibertəhlükəsizlik sahəsində kadrlara ehtiyac kəskin artıb.

Xeberler.az bildirir ki, bununla bağlı Azərbaycan İnternet Forumunun Prezidenti, ekspert Osman Gündüz öz feysbuk səhifəsində paylaşım edib.

“Bir müddət öncə isə Prezidentin fərmanı ilə kritik informasiya infrastrukturunun təhlükəsizliyinin təmin edilməsi ilə bağlı tədbirlər təsdiqlənib. Bu isə adı çəkilən kadrlara tələbatı daha artıracaq.

Bu baxımdan gözlənilən tələbatı ödəmək üçün AzTU- da bu istiqamətdə ciddi işlər görülür.

Universitetdə Kibertəhlükəsizlik İnstitutu və Kibertəhlükəsizlik kafedrası yaradılıb. Yeni ixtisaslar və yeni proqramlar müəyyən edilib. Yeni kadrlar işə cəlb olunub.

AzTU bu istiqamətdə yeni yaradılan, ətrafında xeyli peşəkar qurumları birləşdirən Azərbaycan Kibertəhlükəsizlik Təşkilatları Assosiasiyası ilə, müvafiq dövlət qurumları və özəl qurumlarla ciddi əməkdaşlıq edir.

AzTU -da fəaliyyət göstərən Rəqəmsal transformasiya Şurası da bu bu məsələlərdə universitetə ciddi dəstək verir.

Düşünürəm ki, AKTA ilə əməkdaşlıq AzTU -da kibertəhlükəsizlik sahəsində müəllimlərin və akademik potensialın gücləndirilməsinə, universitet və sənaye iş birliyinin gücləndirilməsinə və bununla da daha peşəkar kadrların hazırlanmasına böyük töhfə verəcək”.