Yandeks Rusiyada kompüter elmləri fakültəsi açıb

09-09-2016 / 13:19

Rusiyanın Milli Tədqiqat Universiteti “Ali iqtisadiyyat  məktəbi” və Yandeks şirkəti birgə kompüter elmləri fakültəsini təsis ediblər.

Xebeler.az Rusiya mətbuatına istinadən məlumat verir ki, əsas məqsəd "Nəzəri və tətbiqi informatika", o cümlədən "Proqram mühəndisliyi" proqramları üzrə mütəxəssislər hazırlamaqdır.

Fakültə Ali iqtisadiyyat məktəbində mövcud olan proqram mühəndisliyi ilə tətbiqi riyaziyyat və informatika bölmələrini birləşdirəcək. Onlara yeni - Böyük Verilənlər və informasiya axtarışı departamenti də əlavə ediləcək.

Yandeks-in baza kafedrası əsasında fəaliyyət göstərəcək fakültənin tədris planını universitetin müəllimləri və Yandeks-in mütəxəssisləri hazırlayacaq.

Tədrisə maşın təlimi, Böyük Verilənlər və kompüter elmlərinin digər istiqamətləri üzrə kurslar da daxil olacaq. Mühazirə və seminarları isə Milli Tədqiqat Universiteti “Ali iqtisadiyyat  məktəbi” və Yandeks əməkdaşları aparacaqlar.

 

Xeberler.az

 


ŞƏRHLƏR






sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.