RƏQƏMSAL DÜNYA

Xəbər verildiyi kimi, bu gün, sentyabrın 1-də Romada İtaliya-Azərbaycan Universtetinin yaradılması ilə bağlı imzalanmış sənədlər təsdiqlənib.

Xeberler.az bildirir ki, ilk dəfə olaraq Azərbaycanın xarici ölkələrlə birlikdə yaratdığı yeni universitet daha çox texniki və texnoloji sahədə fəaliyyət göstərəcək.

Azərbaycan tərəfdən yeni universitetin tərəfdaşı ADA universitetidir.

İtaliya tərəfdən isə bu prosesdə 5 universitet iştirak edəcək. Bu gün Romada elan edildiyi kimi, İtaliya-Azərbaycan Universiteti üzrə əməkdaşlıq çərçivəsinin müəyyən edilməsi, fakültə və proqramların yaradılması ilə bağlı ADA Universiteti ilə İtaliyanın beş aparıcı ali təhsil müəssisəsi - Luiss Guido Carli Universiteti, Romanın Sapienza Universiteti, Turin Politexnik Universiteti, Alma Mater Bolonya Universiteti və Milan Politexnik Universiteti arasında sazişlər imzalanıb.

«Luiss Guido Carli» (İtalyanca Azad Beynəlxalq Sosial Tədqiqatlar Universiteti "Guido Carli") Universiteti 1974-cü ildə Gianni Agnelli'nin qardaşı Umberto Agnelli'nin başçılıq etdiyi bir qrup sahibkar tərəfindən yaradılıb.

O, maliyyə, biznes, idarəetmə, hüquq və siyasət elmləri sahələrində bir sıra İkili Diplom proqramlarına əlavə olaraq bakalavr və aspirantura təhsili verir.

Roma Sapienza Universiteti – ümumiyyətlə Avropanın ən qədim universitetlərindən biridir – onun bünövrəsi 1300-cü illərdə qoyulub, dəfələrlə İtaliya və Avropanın ən yaxşı universitetlərindən biri sayılır. Burada memarlıq, iqtisadiyyat, tibb, stomatologiya və əczaçılıq, hüquq, informasiya texnologiyaları, informatika və statistika, riyaziyyət, siyasi elmlər və kommunikasiya kimi fakultələr var. Roma Sapienza Universiteti – Avropada ən çox tələbənin təhsil aldığı ali məktəb sayılır.

Turin Politexnik Universiteti – əsası 1850-ci illərdə qoyulan İtaliyanın ilk texniki universitetidir. Mühəndis, memarlıq və sənaye üzrə ixtisasları tədrisedir. Memarlıq və dizayn, informasiya texnologiyaları, kompüter mühəndisliyi, energetika, elektronika və telefommunikasiya, istehsal menecmenti,  ətraf mühimt və təbii sərvətlər, maşınqayırma və aerokosmik sənaye, riyazi elmlər, tikinti mühəndisliyi və sair fakultələri var.

Alma Mater Bolonya Universiteti – dünyanın ən qədim universiteti, Bolonyada yerləşir, nəinki İtaliya və Avropada, bütün dünyada təhsilin və elmin inkişafında böyük təsirə v nüfuza malik olan ali məktəb. Universitetin hələ 11-ci əsrdə yaradıldığı bildiridir.

Milan Politexnik Universiteti - İtalyanın qədim ali təhsil ocaqlarından biri, əsası 1863-cü ildə qoyulub. İlk dəfə olaraq Yüksək Texniki İnstitut (İnstituto Tecnico Superiore) adlandırılıb. Hazırda ali təhsil müəssiəsində 17 fakültə fəaliyyət göstərir: memarlıq və layihələndirmə, biomühəndislik, kimya, materiallar və kimya mühəndisliyi, elektronika və informatika, elektrotexnika, energetika, fizika, sənaye dizaynı, incəsənət, kommunikasiya və moda, aviasiya-kosmik texnika, sənaye istehsalının təşkili və idarəedilməsi, atom texnikası, tikinti layihələndirilməsi, riyaziyyat, mexanika, arxitektura üzrə layihələndirmə, ətraf mühit texnologiyası və sair.