Məktəblərdə informatikanın tədrisi müzakirə olunacaq

02-12-2015 / 17:16

İnformatika təhsilinin gələcəyinə həsr olunmuş "İnformatika təhsili - 2019 ərəfəsində çağırışlar" mövzusunda 2-ci açıq panel müzakirələri keçiriləcək.

Xeberler.az bildirir ki, tədbir dekabrın 3-də ADA Universitetində təşkil olunacaq.

Tədbirdə Azərbaycan IOI (Beynəlxalq İnformatika Olimpiadası) komandasının rəhbəri Ramin Mahmudzadə, Azərbaycan Respublikası Təhsil Nazirliyi, Statistika və proqnozlaşdırma şöbəsinin müdiri İsmayıl Sadıqov, Eljakim Information Technology şirkətinin sahibi, Niderland IOI komandasının rəhbəri Elyakim Sxreyvers, Perm Dövlət Universiteti mexanika-riyaziyyat fakültəsinin baş müəllimi Yuriy Aydarov, Qafqaz Universiteti Kompüter mühəndisliyi bölməsinin dosenti Abzetdin Adamov, Microsoft Azərbaycan şirkətinin təhsildə əməkdaşlıq üzrə meneceri Emin Axundov, ADA Universiteti İT və mühəndislik fakültəsinin müəllimi Fuad Hacıyev iştirak edəcək.

İnformatikanın məktəblərdə problemli tədrisinə həsr olunmuş 2-ci açıq panel müzakirələrində 2019-cu ildə Azərbaycanda keçiriləcək Beynəlxalq İnformatika Olimpiadasına hazırlıq, şagird və tələbələrin proqramlaşdırma yarışlarına hazırlanması məsələləri, şirkətlər tərəfindən informatikaya maraq göstərməməsi müzakirə olunacaq.

 

Ruhəngiz Muradova


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.