“Yeni həyat: texnologiyalardan incəsənətə”

10-11-2014 / 19:14

Beynəlxalq Telekommunikasiya və İnformasiya Texnologiyaları (Bakutel) sərgisinin 20 illik yubileyi ilə bağlı “Yeni həyat: texnologiyalardan incəsənətə” adlı tədbir noyabrın 8-də Yüksək Texnologiyalar Parkında (High Tech Park) keçirilib.

Xeberler.az bildirir ki, tədbirə April UV, Aztelekom, AZV, BestComp Group, Caspian Navtel, Connect, Cybernet, Delta Telecom, Eurodesign, Globtel Solutions, HA Plus, High Tech Park, HP, Katv, Microsoft, Schneider Electric, Smart Communications, Smart Systems Technology, Teleradio, Ultra, Vitta və digər şirkətlər qoşulub.

Bu dəfə Bakutel sərgisinin iştirakçıları kompüter detallarından sərginin yubiley loqosunu hazırlayıblar.

Dekabrın 2-5-də reallaşaq Bakutel sərgisində 40 faizi daimi iştirakçı olmaqla, 250-dən artıq şirkət iştirak edəcək. Bir sıra ölkələrin milli stendləri kompleksin ikinci zalda yerləşdiriləcək. Həmçinin, İKT üzrə ən son qlobal təmayüllərin, eləcə də Azərbaycanda İKT sahəsinin inkişaf perspektivlərinin müzakirəsinə həsr olunmuş geniş işgüzar proqram da planlaşdırılıb. Beləliklə, Bakutel sərgisi çərçivəsində “Əşyalar interneti” mövzusunda konfrans və “e-Gov 3.0: innovativ çağırışlar, müasir trendlər və yeni imkanlar»” adlı beynəlxalq forumu da keçiriləcək.

Sərgi Azərbaycan Respublikası Rabitə və Yüksək Texnologiyalar Nazirliyinin iştirakı və fəal dəstəyi ilə keçirilir. Bakutel-2014 sərgisinin baş sponsoru İntel şirkətidir. Sərginin digər sponsorları arasında Eurodesign (Azərbaycan) və Tecnotree şirkətləri də var. Sərginin iştirakçıları qismində isə Iteca Caspian, Caspian Event Organisers və ITE Group Plc şirkətləri çıxış edirlər.

 


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.