Bakutel 2015-də iştirak edəcək ölkələrin adı təsdiqlənib

26-10-2015 / 16:27

Məlumat verdiyimiz kimi, dekabrın 2-5-də Bakıda 21-ci Azərbaycan Beynəlxalq Telekommunikasiya və İnformasiya Texnologiyaları (Bakutel 2015) sərgi -konfransı keçiriləcək.

Təşkilat Komitəsindən Xeberler.az-a verilən məlumata görə, bu günə qədər Azərbaycan, ABŞ, Almaniya, Rusiya, Türkiyə, Fransa, və digər ölkələri təmsil edən 200-dən artıq şirkət sərgidə iştirak edəcəklərini təsdiqləyiblər.

İştirakçıların 40 faizi Bakutel sərgisinin daimi eksponentləridir. Ümumilikdə sərgidə 15 milli stendin iştirakı gözlənilir və Belarus, Bolqarıstan, Kanada, Macarıstan, İsrail, İran, İtaliya, Birləşmiş Ərəb Əmirlikləri, Rusiya, Serbiya və Xorvatiyanın iştirakı isə artıq təsdiq edilib.

Bu sərgi çərçivəsində gənc mütəxəssislərə öz ixtiraları, proqram və xidmətləri barədə danışmaq üçün imkan yaradılır və artıq bu, ənənə halını alıb. Ötən il olduğu kimi, bununla əlaqədar sərgidə startap şirkətlərə iş üçün xüsusi yer ayrılıb.

Bakı Ekspo Mərkəzinin üçüncü zalında isə İKT texnologiyaları sahəsi üzrə dövlət layihələri təqdim olunacaq.

Qeyd edək ki, sərginin təşkilatçıları qismində Iteca Caspian və Caspian Event Organisers (CEO) şirkətləri çıxış edirlər.

Sərginin qeydiyyat üzrə sponsoru isə Eurodesign şirkətidir.

 

Ruhəngiz Muradova


ŞƏRHLƏR






sorğu
İT mütəxəssislər iş yerlərini hansı meyarlar əsasında seçir ?
  • Şirkətin yüksək statusuna görə
  • İşin, layihənin xarakterinə görə
  • Əmək müqaviləsinin olmasına görə
  • Yüksək əmək haqqına, mükafatlara və digər güzəştlərə görə
  • Gələcək karyerası üçün əhəmiyyət kəsb etdiyinə görə
  • Maraqlı, işgüzar kollektivə görə