TƏDBİRLƏR

Sabah Azərbaycanda Bakutel 2015 sərgisi işinə başlayacaq.

Son məlumata görə,  bugünə qədər Azərbaycan, ABŞ, Almaniya, Rusiya, Türkiyə, Fransa, və digər ölkələri təmsil edən 200-dən artıq şirkət sərgidə iştirak edəcəklərini təsdiqləyib. Hazırda sərgiyə ciddi hazırlıq görülür. 
 
Xeberler.az-ın məlumatına görə, artıq bu günə qədər Azərbaycan, Rusiya, Fransa, ABŞ və digər ölkələri təmsil edən 200-dən artıq şirkət sərgidə iştirak edəcəklərini təsdiqləyiblər. İştirakçıların 40 faizi Bakutel sərgisinin daimi eksponentləridir. Sərgi iştirakçıları arasında aparıcı İKT şirkətləri, Azərbaycanın mobil, rabitə operatorları, internet provayderləri, sistem inteqratorları və tanınmış brendlərin distributorları yer alır.
 
Ənənəvi olaraq, sərgidə Rabitə və Yüksək Texnologiyalar Nazirliyinin dəstəyi ilə iştirak edən bir sıra ölkələrin milli stendləri təqdim olunur. Ümumilikdə, sərgidə 15 milli stendin iştirakı gözlənilir və Belarus, Macarıstan, İsrail, İran, İtaliya, Birləşmiş Ərəb Əmirlikləri, Türkiyə və Xorvatiyanın iştirakı isə artıq təsdiq edilib.

Bundan başqa, sərginin debütantları arasında Rusiya, ABŞ və Türkiyənin bir sıra aparıcı şirkətləri də yer alır. Sərginin qeydiyyat üzrə sponsoru Eurodesign şirkətidir.

Xeberler.az