Bakutel 2017-də hansı yeniliklər olacaq?

19-09-2017 / 13:21

5-8 dekabr tarixlərində Bakı şəhərində 23-cü Azərbaycan Beynəlxalq Telekommunikasiya və İnformasiya Texnologiyaları Bakutel 2017 Sərgi-Konfransı keçiriləcək.

Xeberler.az-ın məlumatına gör, bununla da "Yüksək Texnologiyalar Həftəsi"nə start veriləcək.

Bakutel 2017 sərgisi Nəqliyyat, Rabitə və Yüksək Texnologiyalar Nazirliyi, Beynəlxalq Telekommunikasiya İttifaqı, Azərbaycanda İxracın və İnvestisiyaların Təşviqi Fondu (AZPROMO) və Azərbaycan Respublikası Sahibkarlar (İşəgötürənlər) Təşkilatları Milli Konfederasiyası (ASK)nın dəstəyi ilə keçirilir.

Sərginin təşkilatçısı qismində Caspian Event Organisers (CEO) şirkəti çıxış edir.

Məlumata görə, bu il Bakutel sərgisində dünyanın 20 ölkəsini təmsil edən 200-dən artıq şirkətin iştirakı gözlənilir.

İştirakçılar arasında Azərbaycanın aparıcı İKT şirkətləri, mobil operatorları, rabitə operatorları, internet provayderləri, sistem inteqratorları, tanınmış brendlərin distributorları, eləcə də teleradio yayım şirkətləri yer alır.

Sərginin ekspozisiyası çərçivəsində yeni nəsil İT üzrə həll variantları, milli genişzolaqlı İnternet, 4G-5G mobil texnologiyaları, optik lifli texnologiya və Bulud texnologiyaları üzrə xidmətlər təklif olunacaq.

Tədbir iştirakçılarının 40%-ni Bakutel sərgisinin daimi eksponentləri təşkil edir. Yeni şirkətlər arasında isə Hikvision, Nokia Networks və digər şirkətlər yer alır.
 
"Bakutel 2017 sərgisində bir sıra ölkələrin milli stendləri də təqdim olunur. Bu ölkələrin tədbirdə iştirakı Azərbaycan Respublikası Nəqliyyat, Rabitə və Yüksək Texnologiyalar Nazirliyinin fəal dəstəyi ilə reallaşdırılır.

Bu il tədbirdə müxtəlif konfrans və görüşlərin keçirilməsi planlaşdırılır.

Həmçinin Bakutel 2017 sərgisi çərçivəsində B2B  formatlı görüşlər də təşkil olunacaq.

Sərgi haqqında daha ətraflı burada.

Məltəm Talıbzadə


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.