Yeni şrift mətni daha yaxşı yadda saxlamağa kömək edəcək

09-10-2018 / 13:48

Melburn Kral Texnologiya Universiteti insanlara oxuduqlarını yadda saxlamağa kömək edən dünyada ilk şrift hazırlayıb. “Sans Forgetica” adlanan şriftə hazırda yalnız latın əlifbası hərfləri və rəqəmlər daxildir. Yeni şrifti universitetin saytında yükləmək mümkündür.

Xeberler.az  bidlirir ki, ICTnews Elektron Xəbər Xidmətinin məlumatıan görə, tərtibatçıların sözlərinə görə, şrift tələbələrə elmi işlər üçün materiallar hazırlamağa kömək məqsədilə yaradılıb. Avstraliya tədqiqatçılar qrupuna həm dizayn üzrə mütəxəssislər, həm də insanın davranışını öyrənən mütəxəssislər daxildir. Onlar birlikdə mətni daha yaxşı yadda saxlamağa imkan verən bir neçə şrift hazırlayıblar. Alimlər tərəfindən texnologiyaların 400 könüllü tələbə üzərində sınağı keçirilib və “Sans Forgetica” digərləri ilə müqayisədə daha yaxşı nəticə nümayiş etdirib.

Məlumata görə, yeni şriftin dizaynı koqnitiv psixologiya konsepsiyasına əsaslanır. Konsepsiya tapşırığı mümkün qədər çətinləşdirir. Belə yanaşma sayəsində beyin yeni informasiyanı daha yaxşı emal etməyə başlayır. “Sans Forgetica” simvolları sol tərəfə doğru əyilib və onların nişanları, eləcə də hər simvolda bəzi hissələr yoxdur. Bu, oxumanı yubadır və insanı hər söz barədə dərindən düşünməyə vadar edir.  

Tərtibatçılar bildirir ki, şrift müxtəlif sahələrdə faydalı ola bilər. Məsələn, tələbələr onu imtahanlara hazırlıq, iş adamları isə görüşlərin cədvəlini yadda saxlamaq üçün istifadə edə bilərlər.


ŞƏRHLƏR






sorğu
İT mütəxəssislər iş yerlərini hansı meyarlar əsasında seçir ?
  • Şirkətin yüksək statusuna görə
  • İşin, layihənin xarakterinə görə
  • Əmək müqaviləsinin olmasına görə
  • Yüksək əmək haqqına, mükafatlara və digər güzəştlərə görə
  • Gələcək karyerası üçün əhəmiyyət kəsb etdiyinə görə
  • Maraqlı, işgüzar kollektivə görə