Yeni texnologiya bağlı kitabları oxuyacaq

14-09-2016 / 13:13

Massaçusets Texnologiya İnstitutu və Corciya Texnologiya İnstitutunun tədqiqatçıları bağlı kitabların oxunmasına imkan verəcək kitabların mündəricatını müəyyənləşdirən yeni sistem hazırlayıblar.

Xeberler.az RYTN-in elektron xəbər xidmətinə istinadən məlumat  verir ki, eyni anda doqquz kitabı vərəqləmədən oxumağa imkan verən sistem ilk baxışdan rentgeni xatırladır və mürəkkəblərdən başqa cür əks edilən mətni kağız qatlarının içindən skan edən terahers şüalandırmadır.

Rentgen şüalanma belə seçimi təmin edə bilmir, ultrasəs isə dərinlik üzrə analoji təsviri əldə etməyə imkan vermir. Müxtəlif işıq əksetmələri sistemə kağızı mürəkkəbdən seçməyə imkan verdiyi halda 20 mikron qalınlığında hava qatları müxtəlif səhifələri fərqləndirə bilir.

Texnologiyanın ilkin mərhələdə olmasına baxmayaraq tədqiqatçılar artıq sistem vasitəsilə kitabın ilk 20 səhifəsi arasında olan məsafəni ölçməyə, eləcə də ilk 9 səhifədə çap edilən ayrı-ayrı hərfləri müəyyənləşdirməyə nail olublar.

Hazırda alimlərin məqsədi sistemin dəqiqliyini artırmaqdan, həmçinin tanınan səhifələrin sayını artırmağa imkan verəcək şüalandırma mənbəyinin axtarışından ibarətdir.

Texnologiya faydalı görünməsə (çünki kitabı ələ götürüb oxumaq daha asandır) də, sistem uğur qazanacağı təqdirdə zədələnən tarixi artefekatların və qədim abidələrin analizinə kömək edə bilər.

 

Xeberler.az


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.