Yerli startapımız İsveçrədə 500 min dollar üçün yarışacaq

28-03-2017 / 15:46

Məlumat verdiyimiz kimi,  ötən il Bakıda Seedstars World yarışmasının yerli seçimləri keçirildi.

Belə ki, Azərbaycanda 11 startap arasından Kvotter layihəsi seçilərək İsveçrədə Azərbaycanı təmsil etmək hüquqi qazandı.

Xeberler.az-ın məlumatına görə, Kvotter komandası aprelin 6-da  baş tutacaq Seedstars World Summit-də iştirak etməyə hazılaşır.

Layihə komandasından verilən məlumata görə, Summit-dən əvvəl, aprelin 3 və 4 tarixlərində startaplar üçün təlimlər keçiriləcək.

Aprelin 5-də isə Seedstars World-ə seçilmiş bütün startaplar öz layihələrinin qısamüddətli təqdimatını edəcək. Bu mərhələdə 12 startap seçilərək finalda təqdimat etmək imkanı qazanacaq.

Aprelin 6-da keçiriləcək Seedstars World Summit-də 12 startapdan arasından qaliblər müəyyən ediləcək.

Qeyd edilib ki, qaliblər üçün bir neçə kateqoriya müəyyən edilib. Belə ki, 1-ci yeri 500 min ABŞ dolları mükafat gözləyir.

Bakıda növbəti dəfə azərbaycanlı startaplar arasında Seedstars World müsabiqəsinin yerli seçimləri mayın 1-də ADA Universitetində keçiriləcək.

Məltəm Talıbzadə

 


ŞƏRHLƏR






sorğu
İT mütəxəssislər iş yerlərini hansı meyarlar əsasında seçir ?
  • Şirkətin yüksək statusuna görə
  • İşin, layihənin xarakterinə görə
  • Əmək müqaviləsinin olmasına görə
  • Yüksək əmək haqqına, mükafatlara və digər güzəştlərə görə
  • Gələcək karyerası üçün əhəmiyyət kəsb etdiyinə görə
  • Maraqlı, işgüzar kollektivə görə