Təhsil Nazirliyini keçiridiyi Elektron Təhsil Müsabiqəsinin təşkilat komitəsi bildirib ki, Ekspertlərin və Münsiflərin qiymətləndirməsi əsasında Müsabiqənin Nominantları seçilib. Müsabiqəyə təqdim olunan 810 Layihədən cəmi 89 Layihə Müsabiqənin Nominantı seçilərək mübarizəni davam etdirmək imkanı qazanıblar . Təşkilat Komitəsinin qərarı ilə 1-ci Nominasiya üzrə 29 , 2-ci Nominasiya üzrə - 15 , 3-cü Nominasiya üzrə 28, 4-cü Nominasiya üzrə 7 və nəhayət 5-ci Nominasiya üzrə 10 Nominant yeri müəyyən olunub.
NEXUS şirətinin sosial şəbəkə üzvləri arasında keçirdiyi foto müsabiqə bitib. Facebook sosial şəbəkəsinin NEXUS səhifəsində keçirilən müsabiqədə istənilən mövzuda ola fotolar iştirak edirdi. Qaliblər finala vəsiqə qazanmış 15 nominant arasından seçilib. Bu dəfəki müsabiqədə qaydalara bəzi dəyişikliklər edilib. Belə ki, həlledici mərhələdə ən çox like edilən şəkillər yox, münsiflərin səsi həlledici olub.
Azərbaycanda ilk onlayn futbol proqnozu və oyunlar haqqında ətraflı məlumat verən sayt olan Proqnoz.az fəaliyyətə başlayıb. Saytın redaktoru Əli Məmmədovun xeberler.az-a verdiyi məlumat görə, saytın oyunlar bölməsi hərgün yenilənir və ora futbol qarşılaşmalarının əmsalları yazılır. Əmsallar marathonbet.ru saytına istinadən verilir.
«AzDataKom» şəbəkəsi vasitəsi ilə İnternetə yüksək sürətli çıxış üzrə xidmət tarifləri aşağı salınıb. Endirim şəbəkənin ADSL avadanlıqları və ayrılmış xətt vasitəsilə göstərdiyi İnternet xidmətləri üzrə aparılıb. «AzDataKom» şəbəkəsi vasitəsi ilə göstərilən ADSL xidmətlərinin qiyməti 1024 Kbit/s-dən 8192 Kbit/s-dək kanalların sürətindən asılı olaraq 20-140 manat təşkil edir.
Korporativ Əlaqələr üzrə Departamentinin rəhbəri Elşad Fərzəliyev: “Fəlakət zonasında şəbəkənin gücləndirilməsi üzrə işlər Nar Mobile abunəçilərinə yaxınları ilə əlaqə saxlamağa, xilasetmə xidmətlərinə isə işlərini səmərəli olaraq koordinasiya etmək və vəziyyətin dəyişilməsinə operativ şəkildə reaksiya etməyə imkan yaradır.”
İnternet vasitəsilə təhsil dəstəyi verən Online MBA saytının üzə çıxardığı “online porno” statistikası internetin kirli üzünü göstərir. İnternetdəki saytların 12 faizində, yəni 24 milyondan artıq saytda pornoqrafik məlumatlar yer alır.
Microsoft Gold Partner statusu İT-həllərin tətbiqində biznes-tərəfdaşın yüksək səviyyəsini təsdiq edir. Bu status tərəfdaşın təhlükəsizlik, infrastruktur, virtuallaşdırma və s. istiqamətlər üzrə Microsoft həlləri sahəsində ala biləcəyi ən yüksək statusdur.
AEGEE-Bakı Avropa Tələbələr Forumu təşklilatı tərəfindən həyata keçirilən “YazYay Məktəbi” çərçivəsində iyun ayında “Sosium” sosial bloq yazıları müsabiqəsi keçiriləcəkdir. Müsabiqənin məqsədi gənclər arasında sosial bloqçuluğu inkişaf etdirmək, onların yazı və yaradıcılıq qabiliyyətlərini artırmaqdır. Müsabiqə açıqdır və bütün blogerlər iştirak edə bilər.
İsrail türk gəmilərinə etdiyi hücumdan sonra türk xakerlər İsrailə qarşı virtual müharibə elan ediblər. Bir neçə gün ərzində 100lərlə İsrail saytı türklər tərəfindən sındırılıb. Bu hücumda digər müsəlman ölkələr də türklərə dəstək verir. İndiyə qədər İsrail Dəniz Qüvvətləri http://www.navy.idf.il/ , İsrail Təhsilçilər saytı http://shaananoar.shaanan.ac.il/ və başqa 100larla sayt türklər tərəfindən vurulmuşdu. Bugün səhər isə xakerlər İsrailə ən böyük zərbəni vurublar. İsrailin ən böyük və ən məşhur saytlarından olan http://www.mossad.gov.il xakerlərin hücumuna məruz qalıb. Ələ keçirilən saytlara Fələstin və Türk bayrağları habelə "Murderer İsrael" sözləri yazılıb. Hücumlara tab gətirə bilməyən İsrail türk İP-lərinə ban qoyub. Belə ki, hazırda Türkiyə ərazisindən heç bir İsrail saytına girmək mümkün deyil.
Almaniya Istehlak Naziri Ilse Aigner Facebookun Avropa təmsilçisi ilə etdiyi söhbətdən sonra sosial şəbəkədəki səhifəsini bağlamaq qərarına gəlib. Səbəb kimi, Facebookun keçən həftə tətbiq etdiyi yeni təhlükəsizlik sisteminin yetərli olmadığını göstərib. Alman nazir Facebookdan narazılığını dilə gətirib: "Səhifəmi bağlayacağam. Öncə isə dost siyahımda olan 4min dostumu bundan xəbərdan verəcəm. Məncə insanlar Facebookun nə qədər təhlükəli olduğunun fərqində deyillər. Həmyerlilərimə məsləhət görərdim ki, şəbəkədəki səhifələrini bağlasınlar."
Konfransda Ağstafa, Tovuz, Qazax rayonlarının məktəb direktorları, təhsil şöbələrinin işçiləri, müəllimlər, habelə, Dövlət Proqramı çərçivəsində Təhsil Nazirliyinin tərəfdaş-təşkilatları olan Mədəd, Azedunet, Microsoft, “Intel gələcək üçün təhsil proqram” və Ultra iştirak etmişlər. Dövlət Proqramı çərçivəsində müsbət təcrübə ilə bölüşmək üçün, Bakı məktəblərindən İKT-nin tətbiqi üzrə aparıcı müəllimlər də konfransda iştirak etmişlər.
Brazilyada bir parfümeriya şirkəti hamını təəcübləndirib. Hazırda şirkətin yeni məhsulundan çox, reklam banneri haqqında danışırlar. Black Mamba adlı reklam agentliyi parfümeriyaların iyini hiss elətdirən reklam-banner hazırlayıb. Reklamın testi San-Paolo şəhərində yerləşən 15 internet-kafedə edilib
ABŞ-ın sabiq prezidenti, oğul Corc Buş 2 iyun tarixində Facebook sosial şəbəkəsində qeydiyyatdan keçib. Amerika mətbuatının yazdığına görə, səhifədəki yeniliklərin üçüncü şəxs tərəfindan edildiyi güman olunur. Yaxın vaxtlarda səhifədə Buşun prezidentlik təşəbbüsləri haqda ətraflı məlumatların yerləşdiriləcəyi bildirilir. Xatırladaq ki, ABŞ-ın hazırki prezidenti Barak Obamanın bir neçə ildir ki, Facebookda səhifəsi var. Prezidentliyə namizədlik dövründə Obama sosial şəbəkələrdən fəal istifadə edirdi.
Rusiyanın ikinci ən iri mobil rabitə operatoru Meqafon uzaq rabitə, eləcə də genişzolaqlı internet bazarında mövqelərinin möhkəmləndirilməsi məqsədilə Sinterra magistral operatorunun alınmasına dair razılaşma əldə edib. Məbləği 745 milyon ABŞ dolları təşkil edən müvafiq razılaşmanın şərtlərinə əsasən, “Meqafon” “Sinterra”nın mövcud borclarının ödənilməsini öhdəsinə götürəcək.
Gürcüsatanın məşhur "İmedi" teleşirkətini Ukrayna piar-şirkəti alır. Trend-ə məlumatlı mənbələrdən verilən xəbərə görə, Ukraynanın yeni hökuməti ilə fəal əməkdaşlıq edən Ukrayna şirkəti artıq bir aydır gürcü tərəfi ilə danışıqlar aparır.
“Aztelekom” İstehsalat Birliyi 01 iyun 2010-cu il tarixdən etibarən genişzolaqlı internet xidmətlərinin tariflərini növbəti dəfə endirib. Bu gündən birliyin genişzolaqlı internet xidmətlərinin tarifləri orta hesabla 36% ucuzlaşıb.
“Nobel-T” təşkilatı tərəfindən reallaşdırılacaq layihənin təqdimatı 29.05.2010-cu il tarixində Təhsil Nazirliyində keçirilmişdir. Layihənin konsepsiyası Təhsil Nazirliyi Elektron Tədris Resurslarının Qiymətləndirilməsi Şurasında da artıq müzakirə olunmuş və bununla bağlı zəruri tövsiyələr verilmişdir.
«Twitter» sosial şəbəkəsi 2007-ci ildə Cek Dorsi, Biz Stoun və Evan Villiams tərəfindən yaradılıb. Şəbəkənin hazırda 110 milyondan çox istifadəçisi var. Amma Azərbaycanda «Twitter»ə maraq o qədər də yüksək səviyyədə deyil. «Twitter» ölkəmizdə müəyyən kütlə arasında yayılıb. Qeyri-rəsmi məlumata görə, hazırda Azərbaycanda 2000-ə yaxın «Twitter» istifadəçisi var. Çoxları sosial şəbəkədə qeydiyyatdan keçsə də, ondan istifadə etmirlər.
Televiziyaların reytinqini kim ölçür, necə ölçür və nəticələr ağlabatan olacaqmı?
Nazirlik inkubasiya mərkəzlərini niyə topladı? –Şərh
Windows 10-u necə sürətləndirmək olar?
Bizi idarə edən güc: Netokratiya
Tor: şəbəkənin nəzarətindən azad olmaq imkanı
Facebook müəmması
4G mobil texnologiyası niyə ləngiyir?
Rəqəmli yayım: mərkəzdən kənarda yaşayanlar nə etsin?
“Asan imzanı belə gördüm”- Azər Həsrət
Satışa çıxarılmış Azərbaycan adları