Apple şirkəti sentyabrın 9-da Let”s Rock adlı xüsusi tədbir keçirəcək. Keçən ay yeni məhsulların təqdim ediləcəyi barədə artıq şaiyələr yayılmışdı. Indi isə Apple yayılan məlumatları təsdiq etdi. Let”s Rock təqdimat mərasimində hansı məlumatların veriləcəyi hələ dəqiq bəlli deyil. Mütəxxəssislər belə fikirdədilər ki, prezentasiya musiqi qurğuları ilə bağlı olacaq.
NTV-nin məlumatına görə, Kembric universitetinin alimləri müəyyənləşdiriblər ki, arzuolunmaz məktubların gəlməsi elektron poçtun birinci hərfindən asılıdır. Spamların 40 faizi A, M, S, P hərfləri ilə başlayan e-mail-lərə göndərilir.
Fujitsu Siemens Computers şirkəti Intel Centrino 2 - AMILO Si 3655 platforması əsasında olan noutbuk təqdim etdi. Yeni noutbuk layiqli görkəm, yüksək sürətlilik və səmərəlilik axtaranlar üçündür. Nazik ağ-sədəf rəngli, 2,3 kq çəkisi olan noutbukunun BrilliantView ekranı yaxşı rəng ötürücüsü, yüksək keyfiyyətli təsvir və kontrasta malikdir.
“Kasperskiy laboratoriyası” statistik məlumatlar, antivirus məhsulları şirkətlərinin 2009 versiyası əsasında formalaşan zərərli proqramların reytinqini açıqladı. Hesablamalara görə, keçən ay yoluxucu kompüterlərdə ən çox troyan proqramı - DNSChanger.ech. aşkarlanıb.
Yahoo! İnternet şirkəti özünün Mash sosial şəbəkəsinin fəaliyyətini dayandıracaq. Bu barədə şirkət tərəfindən bütün istifadəçilərə rəsmi bildiriş göndərilib. Yahoo!-nun məktubunda qeyd olunur ki, Mash sosial şəbəkəsi cari ilin 29 sentyabr tarixində bağlanacaq.
"Alman dalğası" teleradio şirkəti Best Of Blogs-2008 – 5-ci beynəlxalq bloqlar müsabiqəsinin başlaması barədə elan edib. 31 avqust tarixindən etibarən dörd həftə ərzində layihənin saytında istifadəçilər bəyəndikləri bloqları 16 müsabiqə nominasiyası üzrə iştirak üçün təqdim edə bilərlər.
İntel korporasiyası əsası Londonda qoyulan Opened Hand şirkəti ilə müqavilə imzaladı. Opened Hand firması Linux əməliyyat sistemi və mobil qurğular üçün istifadə olunan serverlər əsasında ixtisaslaşdırılıb. İntel Open Source Technology Center-ə birləşdikdən sonra Opened Hand onun bölmələrindən biri olacaq və Linux əsasında portativ qurğular üçün proqram platformasının yaradılması ilə bağlı Moblin layihəsinin reallaşmasında birgə fəaliyyət göstərəcəklər.
Microsoft Skymarket adlı internet-mağaza açmaq niyyətindədir. TechRadar-ın yazdığına görə, burada Windows Mobile sisteminin istifadəçiləri üçün yükləmələr satılacaq. Microsoft Skymarket məhsullarını idarə etmək üçün menecer axtarır. Skymarket Windows Mobile 7 əməliyyat sistemi ilə birlikdə yüklənəcək. Istifadəçilər mağaza ilə 2008-ci ilin payızında tanış olacaqlar.
Logitech şirkəti gücləndirici ilə quraşdırılmış inteqral mobil musiqi pleyeri təqdim edib. Pleyeri ev şəbəkəsindən istifadə edərək işə saldıqdan sonra kompüterdə, internet-radiolarda, eləcə də Rhapsody, Last.FM, Slacker, Pandora və Sirius kimi abonent xidmətlərində olan istənilən musiqi kompozisiyalarını dinləmək olar. Squeezebox Boom pleyeri MP3, FLAC, WMA, WMA Lossless, AAC, Apple Lossless, WAV AIFF formatları ilə işləyir.
İFA (Beynəlxal Sərgi Agentliyi) Berlində ənənəvi, 48-ci beynəlxalq sərgini təşkil edib. Orada 63 ölkədən 1250 firma iştirak edib. 29 avqustda açılan sərginin təşkilatçıları onu öz məhsullarının vitrini adlandırırlar. Almaniyanın paytaxt şəhərində keçirilən sərgidə dünyanın hər yerindən olan yeni elektron cihazlar təqdim olundu.
Bu, istehsalına və işlənməsinə görə mobil telefonların dünya üzrə lideri olan Nokia tərəfindən bir inqilabdır. Bu dəfə şirkət işçiləri mobil telefonu iyin, rəngin və temperaturun ötürülməsi üçün istifadə etməyi təklif etdilər. Yeni telefonda nanotexnologiyalarsız ötüşmək mümkün olmayıb.
Google şirkəti Google Apps Premier Edition onlayn ofis dəsti kommersiya müştərilərinin könlünü ələ almağa çalışır. Google Apps şirkətinə xidmət edən aparatlara ziyan vuran üç qəzadan sonra, şirkət kommersiya müştərilərinə dəstdən istifadə üçün daha iki həftə əlavə vaxt verdi. Bundan başqa şirkət proqramın yeni versiyasını təqdim edəcəyini də söylədi. Bu sistem, istifadəçiləri servislə işləyən zaman yarana biləcək problemlərdən xəbərdar edəcək.
Toshiba Berlində İFA sərgisində Kembric universiteti ilə birlikdə hazırladığı təkmilləşdirilmiş texnologiya təqdim etdi. Daha əvvəl Toshiba bu haqda məlumat vermişdi. Indi isə onun praktik istifadəsi göstərildi. Bu, əl jestləri ilə idarə olunan televizordur. Qurğu miniatür kameranın köməyi ilə tamaşaçıya “baxır” və tamaşaçının əl hərəkətlərini izləyir.
Dünən Lənkəranda BarKamp (BarCamp) İnternet texnologiyaları, resursları, bloqlar, sosial şəbəkələr, web 2.0, vətəndaş jurnalistikası və s mövzunu əhatə edən İnformasiya Texnologiyaları və Müasir Media qeyri-konfransı başladı.
Sentyabrda Photoshop Express xidmətinin mobil telefonlar üçün ilk beta-versiyası təqdim olunacaq. Photoshop.com Mobile–ın ilk beta-testləri Motorola Q 9h, Q Music 9m, Samsung Blackjack I və II, eləcə də, Palm Treo 750w qurğularından biri ilə işləyən zaman xidmətin imkanlarını qiymətləndirə biləcəklər.
Samsung şirkəti Eclipse seriyasından olan 17 düymlük R710 noutbuku təqdim edib. Hazırkı portativ kompüter bütün müasir texniki və konstruktiv tələblərə cavab verir. Əsas istehsalçı Intel Core 2 Duo prosessorları ilə Intel Centrino 2 (Montevina) yeni mobil plotformasıdır. Noutbukun detallarının və komponentlərinin çox hissəsi Samsung şirkəti tərəfindən istehsal olunub və yüksək keyfiyyətə zəmanət verir.
IDG News-un məlumatına görə, İntel şirkəti İntel Atom prosessoru əssında nettop adlanan ucuz kompüter hazırlayıb. Kompüter Hindistanın sifarişi ilə hazırlanıb və internetin populyarlaşması üçün nəzərdə tutulub. Qiyməti isə beş min hind rupisi – 115 dollar məbləğindədir.
Televiziyada reklam yaxın onillikdə istifadəçilərin idarə etməsindən asılı olaraq dəyişikliyə məruz qalacaq. Forrester Research şirkətinin tədqiqatına əsasən, tv-də reklam bugünkü onlayn reklamları xatırladacaq. Analitiklərin fikrincə, on ildən sonra, istehlakçıların yaşadığı yerdən, davranışından və sosial mənsubiyyətindən asılı olaraq televiziya proqramları reklam tələblərinə uyğun şəkildə göstəriləcək.
Televiziyaların reytinqini kim ölçür, necə ölçür və nəticələr ağlabatan olacaqmı?
Nazirlik inkubasiya mərkəzlərini niyə topladı? –Şərh
Windows 10-u necə sürətləndirmək olar?
Bizi idarə edən güc: Netokratiya
Tor: şəbəkənin nəzarətindən azad olmaq imkanı
Facebook müəmması
4G mobil texnologiyası niyə ləngiyir?
Rəqəmli yayım: mərkəzdən kənarda yaşayanlar nə etsin?
“Asan imzanı belə gördüm”- Azər Həsrət
Satışa çıxarılmış Azərbaycan adları