SOSİAL MEDIA

“Meta” texnologiya şirkəti 16 yaşdan kiçik avstraliyalılara məxsus olduğu bildirilən 750 mindən çox hesabı blokladığını açıqlayıb.

Xeberler.az məlumat verir ki, şirkət Avstraliyada sosial media qadağası tətbiq olunmazdan dərhal əvvəl, dekabr və iyun ayları arasında 462 minə yaxın şübhəli “Instagram” və 294 mindən çox “Facebook” hesabını deaktiv etdiyini bildirib.

Dünyanın ən böyük sosial media şirkəti əvvəllər digər platformalarla birlikdə qarşı çıxdığı Avstraliya qanununa riayət etmək niyyətində olduğunu açıqlayıb. “Reuters” agentliyinin məlumatına görə, bu, Avstraliyanın internet tənzimləyicisinin bəzi “Meta” platformaları da daxil olmaqla, qanunu pozanlara qarşı mümkün icra tədbirlərini nəzərdən keçirdiyi bir vaxta təsadüf edir.

Avstraliya hökuməti sosial medianın uşaqların və yeniyetmələrin fiziki və zehni sağlamlığına təsiri ilə bağlı narahatlıqlar fonunda dekabrın 10-da qüvvəyə minən bu vacib qanunu təklif edib. Bu ölkə sosial media platformalarını qadağanı pozmaq üçün qəsdən şərait yaratmaqda günahlandırıb və qanuna riayət etməməyə görə maksimum cərimənin 69,75 milyon dollara qədər artırılmasını, tənzimləyiciyə sənədləri açıqlamaq üçün daha geniş səlahiyyətlər verilməsini nəzərdə tutan qanunvericilik tətbiq edib.

Azərbaycan parlamenti 16 yaşdan kiçik şəxslərin sosial mediada şəxsi rəqəmsal hesablarının yaradılmasını qadağan edən İnzibati Xətalar Məcəlləsinə dəyişiklikləri, həmçinin “İnformasiya, informasiyalaşdırma və informasiyanın mühafizəsi haqqında” və “Uşaqların zərərli informasiyadan qorunması haqqında” qanunları qəbul edib.