“2015-ci ildə kibercinayətkarların aktivliyi artıb”

24-01-2016 / 13:27

Cisco şirkəti 2015-ci il üçün kibertəhlükəsizlik üzrə yeni hesabat dərc edib. Sənədə görə, ötən il kibercinayətkarlar xeyli aktivləşib, Belə ki, hakerlər məxfi məlumatları oğurlayıb, qurbanlardan pul alıb və serverlərin gücündən istifadə ediblər.

Xeberler.az xarici mətbuata istinadən məlumat verir ki,  2014-2015-ci illərdə XSS boşluqların sayı əhəmiyyətli dərəcədə azalıb, CSRF  boşluqları isə, əksinə, çoxalıb.

Mütəxəssislər Adobe Flash platformasının təhlükəsiz olmamasını etiraf edərək hazırda kibercinayətkarların istifadə edə biləcəkləri imkanların qarşısını almaq üçün tədbirlər görürlər.

Sənəddə, həmçinin təhlükəsizlik üçün böyük təhdidlər törədən bütün boşluqlar sadalanıb.

Cisco-nun məlumatına görə, təşkilatlar informasiyanı qovşaqlar arasında göndərən zaman şifrləmədə müəyyən uğurlar qazanıblar, lakin bəzən saxlanılan məlumatlar mühafizə olunmur. Son bir neçə ildə baş verən əksər genişmiqyaslı insidentlər məhz məlumat emalı mərkəzləri və digər daxili sistemlərdə saxlanılan şifrlənməmiş məlumatlarla əlaqədardır.

2015-ci ildə cinayətkarlar daha çox reklam, fişinq, casus  kimi zərərli proqram təminatı növlərindən istifadə ediblər.

Xeberler.az

 


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.