Abituriyentlərin ixtisas seçimini asanlaşdıracaq platforma yaradılır

03-06-2020 / 16:25

Azərbaycanda abituriyentlərin universitet və ixtisas seçimini asanlaşdıracaq "İŞIQ" adlandırılan veb-platforma yaradılır.

Xeberler.az bildirir ki, bunu İnnovasiya Agentliyinin startaplara dəstək və akselerasiya şöbəsinin proqram koordinatoru Zaur Ünsizadə deyib.

Onun sözlərinə görə, yerli mütəxəssislərin startap layihəsi Arizona Dövlət Universitetinin professoru ilə birgə işlənilir.

"Daha çox yerli kütlə üçün nəzərdə tutulan bu layihə bir növ karyera bələdçisi rolunu oynayacaq. Bir çox hallarda orta məktəbi bitirən gənclər universitet və ixtisas seçimində çətinliklərlə qarşılaşır. Onlar bilmirlər hansı universiteti bitirdikdən sonra nə işlə təmin olunacaqlar. Bu seçimi asanlaşdıracaq spesifik testlər hazırlanır ki, onların vasitəsilə abituriyentlər düzgün seçim edə biləcək. Testlərin spesifikliyi isə həm şəxsiyyətin, həm də bacarıqların təyin edilməsindən ibarətdir. Layihənin demo variantı hazırdır, lakin tam olaraq istifadəyə verilməsi iyunun sonuna gözlənilir", - deyə Z. Ünsizadə qeyd edib.


ŞƏRHLƏR






sorğu
İT mütəxəssislər iş yerlərini hansı meyarlar əsasında seçir ?
  • Şirkətin yüksək statusuna görə
  • İşin, layihənin xarakterinə görə
  • Əmək müqaviləsinin olmasına görə
  • Yüksək əmək haqqına, mükafatlara və digər güzəştlərə görə
  • Gələcək karyerası üçün əhəmiyyət kəsb etdiyinə görə
  • Maraqlı, işgüzar kollektivə görə