Antiinhisar Dövlət Xidmətində görüş keçirilib

27-04-2022 / 10:44

Bu gün Antiinhisar Dövlət Xidmətində ekspertlərlə görüş keçirilib.

Xeberler.az bildirir ki, bununla bağlı Azərbaycan İnternet Forumunun Prezidenti, ekspert Osman Gündüz öz “Facebook” səhifəsində paylaşım edib.

“Bu gün ekspertlərlə birgə Antiinhisar Dövlət Xidmətində keçirdiyimiz görüş yaddaqalan və faydalı oldu.

Dərhal qeyd etmək istərdim ki, indiki Antiinhisar komandası əvvəlkilərdən kəskin fərqlənir.

Son zamanlarda bu Dövlət Xidmətinin fəaliyyətində yeni yanaşmalar və bir sıra uğurlu addımlar var ortada.

Görüşdə bu Dövlət Xidmətinin gördüyü və planladığı işlər ətrafında üç saat ərzində fikir mübadiləsi oldu.

Xüsusilə də, antiinhisar nəzarəti və haqsız rəqabət sahəsində problemlərin aradan qaldırılması , e-satınalma portalının təkmilləşdirilməsi, rəqəmsal transformasiya, istehlakçı hüquqlarının qorunması, “Dövlət satınalmaları haqqında” qanun və Rəqabət Məcəlləsi ətrafında ekspertləri maraqlandıran suallar ətrafında müzakirələr olub.

Antiinhisar Dövlət Xidmətinin ictimaiyyət nümayəndələri və ekspertlərlə birgə görüş təşəbbüsü təqdirə layiqdir və bu tip əməkdaşlığın davam etdirilməsinin də faydalı olacağını düşünürəm.”


ŞƏRHLƏR






sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.