ASAN xidmət-də 12 milyonuncu müraciət qeydə alınıb-Foto

20-10-2016 / 11:47

ASAN xidmət Mərkəzinin mərkəzləşdirilmiş elektron növbə sistemində 12 milyonuncu vətəndaşın müraciəti qeydə alınıb.

Xeberler.az məlumat verir ki, bu müraciəti Baham adaları Birliyinin vətəndaşı və ADA Universitetinin tələbəsi Cordan Haçeson 5 saylı ASAN xidmət mərkəzinə edib.

C.Haçeson Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin mərkəzinə müraciəti Daxili İşlər Nazirliyinin həyata keçirdiyi məhkumluq barədə arayışların verilməsi xidməti ilə bağlı olub. 

Bu sənəd hazırda Azərbaycanda ADA Universitetində təhsil alan Cordan Haçesona üçüncü ölkəyə səfər etməsi ilə bağlı lazım olub. 
Belə ki, bir çox dövlətlərin daxili qanunvericiliyinə əsasən, həmin ölkədə yaşamaq icazəsinin alınması, əmək fəaliyyəti ilə məşğul olunması, təhsil alınması kimi hallarda əcnəbi şəxsdən uzun müddət yaşadığı ölkədə cinayət məsuliyyətinə cəlb edilib-edilməməsi ilə bağlı arayış tələb olunur.

Oktyabrın 20-də Bakı şəhərində yerləşən 5 saylı ASAN xidmət mərkəzində müvafiq arayış C.Haçesona təqdim olunub. O, həmçinin ASAN xidmət tərəfindən təşəkkürnamə və simvolik hədiyyələrlə mükafatlandırılıb.

Qeyd edək ki, hazırda ASAN xidmət mərkəzlərində 10 dövlət qurumu, həmçinin özəl şirkət və müəssisələr tərəfindən ümumilikdə 250-ə yaxın xidmət göstərilir. Göstərilən xidmətlərdən Azərbaycan Respublikası vətəndaşları ilə yanaşı əcnəbi və ya vətəndaşlığı olmayan şəxslər də yararlana bilərlər.

 

Günel 


ŞƏRHLƏR






sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.