Milli Aviasiya Akademiyası (MAA) ilə “Bayraktar Teknoloji Azərbaycan” Məhdud Məsuliyyətli Cəmiyyəti arasında qarşılıqlı əməkdaşlıq haqqında Anlaşma Memorandumu imzalanıb.
Xeberler.az akademiyanın məlumatına istinadən bildirir ki, sənəd MAA-nın rektoru, akademik Arif Paşayev və “Bayraktar Teknoloji Azərbaycan” MMC-nin direktoru Hüseyin Topuz tərəfindən imzalanıb.
Memorandum elm, təhsil, tədqiqat və istehsal sahələrində qarşılıqlı əməkdaşlığı, birgə layihələrin icrasını, tələbələrin və akademik heyətin iştirakı ilə təlimlərin təşkilini, ixtisasartırma və təcrübə proqramlarının həyata keçirilməsini nəzərdə tutur.
Tədbir çərçivəsində qonaqlar Milli Aviasiya Akademiyasının tədris və elmi-tədqiqat laboratoriyaları, istehsalat sahələri, Tələbə yaradıcılıq evi, eləcə də Texnoritm mərkəzi ilə tanış olublar. Bu əməkdaşlıq iki qurum arasında elmi-texniki bilik mübadiləsinin genişləndirilməsinə, innovativ layihələrin reallaşdırılmasına, mütəxəssis hazırlığı proqramlarının təkmilləşdirilməsinə və yüksək ixtisaslı kadrların hazırlanmasına töhfə verəcək.
Televiziyaların reytinqini kim ölçür, necə ölçür və nəticələr ağlabatan olacaqmı?
Nazirlik inkubasiya mərkəzlərini niyə topladı? –Şərh
Windows 10-u necə sürətləndirmək olar?
Bizi idarə edən güc: Netokratiya
Tor: şəbəkənin nəzarətindən azad olmaq imkanı
Facebook müəmması
4G mobil texnologiyası niyə ləngiyir?
Rəqəmli yayım: mərkəzdən kənarda yaşayanlar nə etsin?
“Asan imzanı belə gördüm”- Azər Həsrət
Satışa çıxarılmış Azərbaycan adları