Azərbaycan AgroX innovasiya proqramına start verir

19-06-2019 / 12:54

“Bu gün “AgroX” innovasiya proqramı üzrə müsabiqədə birinci seçim prosesinə hazırlıq müzakirə olunub. Məlum olduğu kimi, 15 iyun tarixdə “AgroX”-də qeydiyyat başa çatıb və aqrar yönümlü 52 layihə qeydiyyatdan keçib. Birinci mərhələ seçim prosesi 23 iyun tarixdə keçiriləcək. Layihələrini və ideyalarını təqdim edənlər qeyd olunan tarixdə “İNNOLAND” Akselerasiya Mərkəzinin “AgroX” münsifləri ilə görüşəcəklər”.

Xeberler.az bildirir ki, bunu “Multimedia” İnformasiya Sistemləri və Texnologiyaları Mərkəzinin direktoru, Azərbaycan İnternet Forumunun prezidenti Osman Gündüz deyib:

“Ümumi qəbul edilən qaydalara görə, hər layihəyə 3 dəqiqə vaxt ayrılacaq. Bu müddət ərzində layihə komandası münsiflərin suallarını cavablandıracaqlar. Münsiflər heyəti “Startap Azərbaycan”, “İNNOLAND”, Azərbaycan Dövlət Aqrar Universiteti və “UNEC” əməkdaşlarından ibarət olmaqla formalaşdırılıb.

Layihələr əsasən, ideyanın cəlbediciliyi, layihənin davamlılığı və gəlirli olması, komandanın peşəkarlığı baxımından qiymətləndiriləcək. Qiymətləndirmənin nəticəsindən asılı olaraq ikinci mərhələyə keçənlər müəyyən olunacaq. İkinci mərhələyə keçənlər üçün isə iyun-iyul aylarında təlimlər təşkil olunacaq.

Onlar mentor dəstəyi ilə layihələrini inkişaf etdirəcəklər. Yekunda onlar isə münsiflər qarşısında layihələrin ilkin versiyalarının təqdimatını edəcəklər.

Müsabiqənin mükafat fondu 12 000 manat müəyyən olunub.

I yer- 6000 manat
II yer - 4000 manat
III yer - 2000 manat”.

Qeyd edək ki, “AgroX” Kənd Təsərrüfatı Nazilriyinin Aqrar Elm və İnnovasiya Mərkəzinin dəstəyi ilə “Startap Azərbaycan” tərəfindən həyata keçirilir. Layihəyə “İNNOLAND” Akselerasiya Mərkəzi də dəstək verir.


ŞƏRHLƏR






sorğu
İT mütəxəssislər iş yerlərini hansı meyarlar əsasında seçir ?
  • Şirkətin yüksək statusuna görə
  • İşin, layihənin xarakterinə görə
  • Əmək müqaviləsinin olmasına görə
  • Yüksək əmək haqqına, mükafatlara və digər güzəştlərə görə
  • Gələcək karyerası üçün əhəmiyyət kəsb etdiyinə görə
  • Maraqlı, işgüzar kollektivə görə