25 oktyabr MilliNet 2025 münsifləri ilə görüş keçiriləcək.
Xeberler.az bildirir ki, "MilliNet"in qaydalarına əsasən müsabiqəyə təqdim edilən resursların qiymətləndirilməsi yalnız münsiflər tərəfindən aparılır.
MilliNet Təşkilat komitəsi yalnız səsvermənin ədalətli, şəffaf və qaydalara uyğun keçirilməsini təşkil edir.
Yalnız bir Nominasiya üzrə - "İlin rəqəmsal siması" Nominasiyası üzrə qalibin seçilməsi MilliNet TK tərəfindən aparılır.
Münsiflər səsverməni “MilliNet indeksi” (qiymətləndirmə meyarları) əsasında 2 mərhələdə həyata keçirirlər.
Birinci mərhələdə münsiflər resursları ilkin qiymətləndirməsini aparırlar. Bu qiymətləndirmənin nəticəsində hər bir nominasiya üzrə ən çox bal toplayan minimum 5 layihə olmaqla MilliNet Nominantları seçilir. Ballar bərabər olduqda onlar da nominat olaraq qəbul edilir.
Birinci mərhələ səsvermədə münsiflərin verdikləri qiymətləri əsaslandrıması məcburi deyil.
İkinci mərhələ qiymətləndirmədə münsiflər detallı olaraq, mövcud meyarlar əsasında layihələri qiymətləndirirlər. Bu qiymətləndirmə nəticəsində qaliblər seçilir. Ballar bərabər olduqda onlar da qalib hesab edilir.
2-ci mərhələ qiymətləndirmədə münsiflərin hər bir layihə üçün verdikləri balı əsaslandırması məcburidir.
MilliNet TK şəffaflığı təmin etmək üçün yekun təqdimatdan dərhal sonra münsiflərin qiymətləndirməsini iştirakçılar üçün açıq elan edir. Nominantlar öz şəxsi kabinetlərinə daxil olaraq hər bir münsifin verdiyi ballar və onun əsaslandırması ilə tanış ola bilərlər.
Qiymətləndirmə prosesində münsiflərin hər hansı müzakirə və görüş keçirməsi, layihəni müzakirə nəticəsi olaraq qiymətləndirmək qadağandır.
Hər bir münsif öz peşəkarlığı və mövcud meyarlar əsasında müstəqil olaraq və onlayn formada qiymətləndirmə aparır.
Birinci mərhələ qiymətləndirmə prosesinə noyabr ayında start veriləcək.
15 noyabr tarixdə layihələrin qeydiyyatı başa çatacaq.
MilliNet münsifləri hər il Qaydalara uyğun olaraq rotasiya qaydasında yenilənir.
Sabahkı görüşdə MilliNet münsiflər bir daha qiymətləndirmə qaydası ilə tanış olacaqlar.
