Azərbaycan beynəlxalq tənzimləyicilər şəbəkəsinin fəal üzvüdür

05-11-2018 / 10:33
Şərq Tərəfdaşlığı layihəsinin iştirakçılarından biri olan Azərbaycan beynəlxalq tənzimləyicilər şəbəkəsində, həmçinin başqa sahələrdə, xüsusən informasiya-kommunikasiya texnologiyaları sferasında fəal ölkədir.
 
Xeberler.az  bildirir ki, Litvanın ötürücü şəbəkələrinin tənzimləyicisinin rəhbəri Feliksis Dobrovolskis bu fikri Beynəlxalq Telekommunikasiyalar İttifaqının bu günlərdə Dubayda keçirilən Səlahiyyətli Konfransında AZƏRTAC-a müsahibəsində söyləyib. Dubayda oktyabrın 31-də başlamış və noyabrın 16-dək davam edəcək forumun işində Azərbaycanın Nəqliyyat, Rabitə və Yüksək Texnologiyalar Nazirliyinin rəhbəri Ramin Quluzadə başda olmaqla ölkəmizin nüfuzlu nümayəndə heyəti də iştirak edib.
 
Feliksis Dobrovolskis informasiya-kommunikasiya texnologiyaları (İKT) sahəsində ölkəmizin uğurlarından söhbət açaraq deyib ki, Bakıda hər il keçirilən "Telekommunikasiyalar, innovasiyalar və yüksək texnologiyalar” mövzusunda beynəlxalq sərgi və konfrans "bazar üçün yaxşı siqnaldır”. O vurğulayıb: "Litva şirkətlərinin də iştirak etdiyi bu sərgidə Azərbaycanın uğurları nümayiş etdirilir. Mübaliğəsiz deyə bilərəm ki, sizin ölkəniz düzgün istiqamətdə irəliləyir və bu yolda dayanmamaq, hamımızın müşahidə etdiyimiz inkişaf sürətini saxlamaq çox vacibdir”.
 
Feliksis Dobrovolskis cəmi 5 ildə Azərbaycanın üç peykinin buraxılmasını çox mühüm hadisə adlandıraraq deyib: "Əlamətdar haldır ki, sizin ölkəniz dünya kosmik klubunun üzvü olub”.

 


ŞƏRHLƏR






sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.