Azərbaycan İKT ilə bağlı beynəlxalq konfransda təmsil ediləcək

12-09-2017 / 10:31

20-22 sentyabr 2017-ci il tarixlərində Rusiyanın paytaxtı Moskva şəhərində IEEE-nin (Institute of Electrical and Electronics Engineers - Elektrotexnika və Elektronika Mühəndisləri İnstitutu) təşkilatçılığı ilə İKT-nin tətbiqi üzrə XI Beynəlxalq konfrans – AICT 2017 keçiriləcək.

Müxtəlif illərdə keçirilmiş AICT konfransları Avstraliya, Azərbaycan, Əlcəzair, Banqladeş, Belarus, Çin, Finlandiya, Gürcüstan, Almaniya, Yunanıstan, Hindistan, İran, İtaliya, Yaponiya kimi dünyanın 50-dən çox ölkəsindən yüzlərlə tədqiqatçının diqqətini cəlb edib.

Xeberler.az-ın məlumatına görə, AMEA-nın müxbir üzvü, İnformasiya Texnologiyaları İnstitutunun şöbə müdiri, texnika elmləri doktoru Ramiz Alıquliyev və şöbə müdiri, texnika üzrə fəlsəfə doktoru, dosent Yadigar İmamverdiyev konfransın texniki proqram komitəsinin üzvləridir.

Əsas məqsəd dünyanın müxtəlif ölkələrindən olan, ümumi maraq və problemlər ətrafında birləşən alim və mütəxəssisləri eyni coğrafi məkana toplamaqdır.

 AICT 2017 konfransının əsas istiqamətləri:

- Data Mining və informasiya mühəndisliyi;

- Kibertəhlükəsizlik problemləri;

- İKT tətbiqində ən yeni tendensiyalar;

- Kommunikasiya, şəbəkə və avadanlıqlar;

- Təhsil, humanitar, sosial elmlər və tədqiqatda İKT;

- Biznes, idarəetmə və iqtisadiyyatda İKT;

- Dövlət idarəçiliyində İKT;

- Tibb və səhiyyədə İKT;

- Yanacaq-enerji sənayesində İKT.

Xeberler.az

 


ŞƏRHLƏR






sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.